September 25, 2023
September 25, 2023
ദോഹ: ഇന്ത്യന് എംബസി ഐസിബിഎഫുമായി സഹകരിച്ച് സെപ്തംബര് 29 (വെള്ളിയാഴ്ച) പ്രത്യേക കോണ്സുലാര് ക്യാമ്പ് സംഘടിപ്പിക്കുന്നു. ഉംസ ഈദിലാണ് ക്യാമ്പ് നടക്കുക.
പാസ്പോര്ട്ട് പുതുക്കല്, അറ്റസ്റ്റേഷന് മറ്റ് എംബസ്സി സേവനങ്ങള് എന്നിവയ്ക്ക് സൗകര്യമുണ്ടാകും. വെള്ളിയാഴ്ച രാവിലെ 9 മണി മുതൽ 11 മണി വരെയായിരിക്കും ക്യാമ്പിന്റെ സമയം. ഖത്തറിലെ വിദൂര സ്ഥലങ്ങളിലെ പ്രവാസികൾക്ക് എംബസിയുടെ സേവനങ്ങൾ ലഭ്യമാക്കുകയെന്ന ലക്ഷ്യത്തോടെയാണ് പ്രത്യേക ക്യാമ്പുകൾ തുടരുന്നതെന്ന് ഐസിബിഎഫ് അറിയിച്ചു.
സേവനം ആവശ്യമുള്ളവര് ആവശ്യമായ രേഖകളുടെ പകര്പ്പുകള് കൊണ്ടുവരണമെന്നും ഐസിബിഎഫ് വാര്ത്താക്കുറിപ്പില് അറിയിച്ചു. ഐസിബിഎഫ് ഇന്ഷ്യൂറന്സ് ഡെസ്കും ക്യാമ്പില് പ്രവര്ത്തിക്കും. കൂടുതല് വിവരങ്ങള്ക്ക് 7046 2114, 6610 0744 എന്നീ നമ്പറുകളില് ബന്ധപ്പെടാം.
അതേസമയം, ഇന്ത്യൻ അംബാസഡർ വിപുൽ പങ്കെടുക്കുന്ന ഇന്ത്യൻ എംബസി ഓപൺ ഹൗസ് സെപ്റ്റംബർ 27ന് (ബുധനാഴ്ച്ച) നടക്കുമെന്ന് അധികൃതർ അറിയിച്ചു. ഖത്തറിലെ പ്രവാസി ഇന്ത്യക്കാരുടെ തൊഴിൽ സംബന്ധമായ വിഷയങ്ങൾ അവതരിപ്പിക്കാനും പരിഹാരം കാണാനുമുള്ള അവസരവുമാണ് ഈ ഓപൺ ഹൗസ്.
അംബാസഡർക്ക് മുമ്പാകെ നേരിട്ട് പരാതികൾ ബോധിപ്പിക്കാവുന്നതാണ്. എംബസി ഉദ്യോഗസ്ഥരും പരിപാടിയിൽ പങ്കെടുക്കും. വൈകീട്ട് 3 മണി മുതൽ 4.30 മണി വരെ നേരിട്ടെത്തിയും, 4.30 മണി മുതൽ 6 മണി വരെ വെബെക്സ് വഴി ഓൺലൈനിലൂടെയും പ്രവാസികൾക്ക് പങ്കെടുക്കാം. കൂടാതെ, 5509 7295 എന്ന നമ്പറിൽ ബന്ധപ്പെട്ടും പരാതികൾ അറിയിക്കാവുന്നതാണ്.
ന്യൂസ്റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/G3GYQhfaTLoDVK1Qr9fc5G