September 27, 2023
September 27, 2023
ദോഹ: ഖത്തർ ഇന്ത്യൻ എംബസിയുടെ പ്രവർത്തി സമയം മാറ്റുന്നതായി എംബസി അധികൃതർ അറിയിച്ചു. ഞായർ മുതൽ വ്യാഴം വരെയുള്ള ദിവസങ്ങളിൽ രാവിലെ 8 മണി മുതൽ വൈകുന്നേരം 04:30 മണി വരെയാണ് പുതിയ പ്രവർത്തന സമയം.
രാവിലെ 8 മണി മുതൽ 11:15 മണി വരെ അപേക്ഷകൾ സമർപ്പിക്കേണ്ട സമയമാണെന്നും, ഉച്ചയ്ക്ക് 2 മണി മുതൽ വൈകുന്നേരം 04:15 വരെയാണ് രേഖകൾ തിരിച്ചു വാങ്ങാനുള്ള സമയമെന്നും അധികൃതർ വ്യക്തമാക്കി.
അതേസമയം, നബിദിനത്തോടനുബന്ധിച്ച് ഖത്തറിലെ ഇന്ത്യൻ എംബസി നാളെ (സെപ്തംബർ 28) അവധിയായിരിക്കും. ഇന്ത്യൻ എംബസിയുടെ ഫേസ്ബുക് അക്കൗണ്ടിലൂടെയാണ് ഇക്കാര്യം അറിയിച്ചത്. വാരാന്ത്യ അവധി കൂടി കഴിഞ്ഞ് ഞായറാഴ്ച്ച (ഒക്ടോബർ 1) എംബസി തുറന്നു പ്രവർത്തിക്കും.
ന്യൂസ്റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/G3GYQhfaTLoDVK1Qr9fc5G