August 23, 2023
August 23, 2023
ന്യൂഡൽഹി: സ്കൂളുകളിലെ ബോര്ഡ് പരീക്ഷകള് വര്ഷത്തില് രണ്ടു തവണ നടത്തണമെന്ന അഭിപ്രായവുമായി കേന്ദ്ര സർക്കാർ. പതിനൊന്ന്, പന്ത്രണ്ട് ക്ലാസുകളിലെ വിദ്യാർത്ഥികൾ നിര്ബന്ധമായും രണ്ട് ഭാഷകൾ പഠിക്കണമെന്നും, ഇതില് ഒന്ന് ഇന്ത്യന് ഭാഷയായിരിക്കണമെന്നും അധികൃതർ അഭിപ്രായപ്പെട്ടു.
പുതിയ വിദ്യാഭ്യാസ നയപ്രകാരമുള്ള പാഠ്യപദ്ധതിയെ അടിസ്ഥാനമാക്കി 2024ലെ അക്കാദമിക് വർഷത്തിൽ പാഠപുസ്തകങ്ങള് പരിഷ്കരിക്കുന്നതായിരിക്കും. വിദ്യാര്ത്ഥികള്ക്ക് മെച്ചപ്പെട്ട പ്രകടനം നടത്തുന്നതിന് അവസരമൊരുക്കി ബോര്ഡ് പരീക്ഷ രണ്ടു തവണ നടത്തണമെന്നും, ഈ പരീക്ഷകളിലെ മെച്ചപ്പെട്ട മാര്ക്ക് നിലനിര്ത്താന് അനുവദിക്കണമെന്നുമാണ് കേന്ദ്രത്തിന്റെ ആവശ്യങ്ങൾ.
പ്ലസ് വണ്, പ്ലസ് ടു തലങ്ങളില് വിഷയം തെരഞ്ഞെടുക്കാന് കൂടുതല് അവസരമുണ്ടാവണം. ആര്ട്സ്,സയന്സ്, കൊമേഴ്സ് എന്നിങ്ങനെയുള്ള സ്ട്രീമുകള് മാത്രമാവരുത്. ക്ലാസ് റൂമുകളില് ടെക്സ്റ്റ് പുസ്തകങ്ങള് മുഴുവന് പഠിപ്പിക്കുന്ന പതിവ് അവസാനിപ്പിക്കും. പാഠപുസ്തകങ്ങളുടെ വില കുറക്കണമെന്നും പാഠ്യപദ്ധതി നിര്ദേശിക്കുന്നുണ്ട്.
ന്യൂസ്റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/BrKVB5Ii85n26onvJMSO7R