February 21, 2024
February 21, 2024
ദോഹ: ഖത്തറിലെ ഇന്ത്യന് അംബാസഡര് വിപുല് ഖത്തര് സെന്ട്രല് ബാങ്ക് ഗവര്ണര് ഷെയ്ഖ് ബന്ദര് ബിന് മുഹമ്മദ് ബിന് സൗദ് അല് താനിയുമായി കൂടിക്കാഴ്ച നടത്തി. കഴിഞ്ഞദിവസം നടന്ന കൂടിക്കാഴ്ചയില് ഇരുരാജ്യങ്ങളും തമ്മിലുള്ള ഉഭയകക്ഷി ബന്ധം മെച്ചപ്പെടുത്തുന്നതിനുള്ള വഴികള് ഇരുവരും ചര്ച്ച ചെയ്തു. ബാങ്കിംഗ്, ധനകാര്യ മേഖലകളിലെ സഹകരണം, അവ ഏകീകരിക്കുന്നതിനുള്ള മാര്ഗങ്ങള് എന്നിവ കൂടിക്കാഴ്ചയില് അവലോകനം ചെയ്തതായി ഖത്തര് സെന്ട്രല് ബാങ്ക് വ്യക്തമാക്കി.
അതേസമയം കൂടിക്കാഴ്ചയില് സന്തോഷമുണ്ടെന്ന് ഇന്ത്യന് അംബാസഡര് വിപുലും എക്സില് കുറിച്ചു.
ഇന്ത്യയും ഖത്തറും തമ്മിലുള്ള ഉഭയകക്ഷി ബന്ധത്തില് പ്രധാനമന്ത്രി നരേന്ദ്രമോദി, ഖത്തര് അമീറുമായി കൂടിക്കാഴ്ച നടത്തിയതിന് പിന്നാലെയാണ് ഇന്ത്യന് അംബാസഡര് സെന്ട്രല് ബാങ്ക് ഗവര്ണറുമായി ചര്ച്ച നടത്തിയത്.It was a pleasure to meet HE Sheikh Bandar bin Mohammed bin Saud Al Thani, Governor of QCB today and discuss our bilateral cooperation in finance and investments. https://t.co/gtyEdijeR7
— vipul (@vipulifs) February 20, 2024