January 13, 2024
January 13, 2024
ദോഹ: ഖത്തറിൽ ആഡംബര ഇറ്റാലിയൻ ടൈലുകളുടെയും സാനിറ്ററി വെയർ, സ്പെഷലൈസ്ഡ് ഉൽപന്നങ്ങൾ എന്നിവയുടെയും മുൻനിര വിതരണക്കാരായ ‘ഹൈറൈസ് ട്രേഡിങ്ങിന്റെ ആദ്യ ഷോറൂം ജനുവരി 15ന് പ്രവർത്തനമാരംഭിക്കും. ഖത്തറിലെ വൻകിട നിർമാണങ്ങളിൽ പങ്കാളികളായ ഹൈ റൈസിന്റെ പ്രീമിയം ഷോറൂമാണ് ബർവ കമേഴ്സ്യൽ അവന്യൂവിലെ സഫ്വ ബിൽഡിങ്ങിൽ പ്രവർത്തനമാരംഭിക്കുന്നതെന്ന് മാനേജിങ് ഡയറക്ടർ ഷാജി എൻ. നായർ വാർത്തസമ്മേളനത്തിൽ അറിയിച്ചു.
ജനുവരി 15ന് വൈകുന്നേരം 4.30നാണ് ഉദ്ഘാടനം. ഖത്തറിലെ ഇറ്റാലിയൻ അംബാസഡർ പൗലോ ടോസ്ഷി, വിവിധ കമ്പനി പ്രതിനിധികൾ, സ്പോൺസർമാർ ഉൾപ്പെടെയുള്ളവർ ഉദ്ഘാടന ചടങ്ങിൽ പങ്കെടുക്കും.
പുതിയ ഷോറൂമിൽ പ്രീമിയം ഇറ്റാലിയൻ ടൈലുകളുടെയും സാനിറ്ററി വെയറുകളുടെയും വിപുലമായ ശേഖരം പ്രദർശിപ്പിക്കും. കാലാതീതമായ ക്ലാസിക്കുകൾ മുതൽ അത്യാധുനിക ഡിസൈനുകൾ വരെയുള്ള എല്ലാ ശൈലികളും അഭിരുചികളും നിറവേറ്റുന്ന വൈവിധ്യമാർന്ന ഉൽപന്നങ്ങൾ ഹൈറൈസ് ട്രേഡിങ് വാഗ്ദാനം ചെയ്യുന്നതായി ഷാജി എൻ. നായർ പറഞ്ഞു.
ഇറ്റലിയിലെ വമ്പൻ ബ്രാൻഡുകളിലെ സാനിറ്ററി, ടൈൽ ഉൽപന്നങ്ങൾ നേരിട്ട് ഇറക്കുമതി ചെയ്താണ് പുതിയ ഷോറൂം ആരംഭിക്കുന്നത്. പതിറ്റാണ്ടുകളായുള്ള പ്രവർത്തന പരിചയവുമായി കൂടുതൽ ആവശ്യക്കാരിലേക്കെത്തുകയാണ് പുതിയ ഷോറൂമിലൂടെ ലക്ഷ്യം വെക്കുന്നത്. വൈകാതെ ഇറ്റലിയിലും കമ്പനിയുടെ ഓഫീസും ആരംഭിക്കുമെന്ന് മാനേജിങ് ടീം അറിയിച്ചു. കൂടുതൽ വിവരങ്ങൾക്ക് +974 30026644 എന്ന നമ്പറിലോ, info@highriseqatar.com എന്ന ഇ-മെയിൽ വിലാസത്തിലോ ബന്ധപ്പെടാവുന്നതാണ്.
സെയിൽസ് മാനേജർ നവീൻ, അസിസ്റ്റന്റ് സെയിൽസ് മാനേജർ ഷാരിഖ് വാണിയമ്പലം, മാർക്കറ്റിങ് മാനേജർ താഹിർ മുഖദാം, അസിസ്റ്റന്റ് മാർക്കറ്റിങ് മാനേജർ പ്രണവ് എൻ. നായർ എന്നിവരും വാർത്തസമ്മേളനത്തിൽ പങ്കെടുത്തു.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/KIGk615xlF1ILlMGxpUXqI
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F