November 29, 2023
November 29, 2023
ദോഹ: മെട്രോ സ്റ്റേഷനുകളിലെ നിര്ദ്ദിഷ്ട സ്ഥലങ്ങളിലും പബ്ലിക് വാഹനങ്ങള് പാര്ക്ക് ചെയ്യുന്ന സ്ഥലങ്ങളിലും ആളുകളെ കയറ്റാനും ഇറക്കാനുള്ള സ്ഥലങ്ങളിലും (പാര്ക്ക് ആന്റ് ഡ്രോപ്പ്) സ്വകാര്യ വാഹനങ്ങള് പാര്ക്ക് ചെയ്താല് ഇനിമുതല് കര്ശന നടപടിയുണ്ടാകും. അനധികൃത പാര്ക്കിംഗിന് കര്ശന നിയമ നടപടിയുണ്ടാകുമെന്ന് ആഭ്യന്തര മന്ത്രാലയം മുന്നറിയിപ്പ് നല്കി. മെട്രോ സ്റ്റേഷനുകള്ക്ക് സമീപമുള്ള ഇടങ്ങള് യാത്രക്കാരെ കയറ്റാനും ഇറക്കാനും മാത്രമുള്ളതാണ്. ഈ പോയിന്റുകളിലും പൊതുഗതാഗതത്തിനായി അനുവദിച്ചിട്ടുള്ള സ്ഥലങ്ങളിലും സ്വകാര്യ വാഹനങ്ങള് പാര്ക്ക് ചെയ്താല് നടപടിയെടുക്കുമെന്ന് പൊതുഗതാഗത വകുപ്പിന്റെ പരിശീലന വിഭാഗം മേധാവി ഫഹദ് മജീദ് അല് ഖഹ്താനി പറഞ്ഞു. ഖത്തര് റേഡിയോയ്ക്ക് നല്കിയ അഭിമുഖത്തിലാണ് അദ്ദേഹം ഇക്കാര്യം വ്യക്തമാക്കിയത്. പൊതു സുരക്ഷ ഉറപ്പാക്കുന്നതിന്റെ ഭാഗമായാണ് നടപടി. പൊതുഗതാഗതം ഉപയോഗിക്കുമ്പോള് സുരക്ഷ മുന്കരുതല് സ്വീകരിക്കണമെന്നും അദ്ദേഹം ആവശ്യപ്പെട്ടു.
യാത്രക്കാര്ക്കായി വിവിധ ഭാഷകള്ക്ക് പുറമെ അറബിയിലും ഇംഗ്ലീഷിലും സുരക്ഷ നിര്ദേശങ്ങളും മെട്രോ സ്റ്റേഷനുകളില് എഴുതിയിട്ടുണ്ട്. മെട്രോയിലെ യാത്രയ്ക്കിടയില് വസ്തുക്കള് നഷ്ടപ്പെട്ടാല് 105 എന്ന നമ്പറില് ബന്ധപ്പെടാം. പരാതികളുമായി ബന്ധപ്പെട്ട് തുടര്നടപടികള് അധികൃതര് സ്വീകരിക്കുമെന്നും അദ്ദേഹം പറഞ്ഞു
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F