April 08, 2024
April 08, 2024
ദോഹ: ഖത്തറിൽ ഈദ് ആഘോഷങ്ങൾക്ക് ഇന്ത്യൻ കൾച്ചറൽ സെൻ്റർ (ഐസിസി) തുടക്കം കുറിച്ചു. ഇന്നലെ (ഞായർ) ഈദ് ബസാറും മെഹന്ദി നൈറ്റും സംഘടിപ്പിച്ചാണ് ഈദ് ആഘോഷങ്ങൾക്ക് തുടക്കം കുറിച്ചത്. ഇന്ത്യൻ അംബാസഡർ വിപുൽ പരിപാടി ഉദ്ഘാടനം ചെയ്തു. ഐസിസി പ്രസിഡൻ്റ് എ പി മണികണ്ഠൻ സ്വാഗതം ആശംസിച്ചു. ഐസിസി വൈസ് പ്രസിഡൻ്റ് സുബ്രഹ്മണ്യ ഹെബ്ബഗെലു നന്ദി പറഞ്ഞു.
ചടങ്ങിൽ ഐസിസി അഡ്വൈസറി കൗൺസിൽ ചെയർമാൻ സതീഷ് പിള്ള, ഐസിബിഎഫ് പ്രസിഡൻ്റ് ഷാനവാസ് ബാവ, ഐസിസി മുൻ പ്രസിഡൻ്റ് പി എൻ ബാബു രാജൻ, ഐസിസി ജനറൽ സെക്രട്ടറി മോഹൻകുമാർ, ഐസിസി മാനേജ്മെൻ്റ് കമ്മിറ്റി അംഗങ്ങൾ, ആദരണീയരായ കമ്മ്യൂണിറ്റി നേതാക്കൾ എന്നിവരും പങ്കെടുത്തു.
ഇന്ന് (ഏപ്രിൽ 8) വൈകുന്നേരം 6 മണി മുതൽ രാത്രി 10 മണി വരെയും ആഘോഷം തുടരും. കരകൗശലവസ്തുക്കൾ, തുകൽ ഉൽപ്പന്നങ്ങൾ,ഫാൻസി ആഭരണങ്ങൾ, റെഡിമെയ്ഡ് ഇന്ത്യൻ പരമ്പരാഗത വസ്ത്രങ്ങൾ, രുചികരമായ ഇന്ത്യൻ ഭക്ഷണം എന്നിവയുടെ സ്റ്റാളുകളും സജ്ജീകരിച്ചിട്ടുണ്ട്. കൂടാതെ, തത്സമയ മൈലാഞ്ചി സ്റ്റേഷനുകളും ഉണ്ടായിരിക്കും.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/Iq3CVicSDrS1LvIBvvkToc
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F