October 12, 2023
October 12, 2023
ദോഹ: ഇന്ത്യന് കള്ച്ചറല് സെന്ററില് (ഐസിസി) ഇന്റര് സ്കൂള് ഡാന്സ് മത്സരങ്ങള് നാളെ (ഒക്ടോബര് 13) നടക്കും. വ്യക്തിഗത വിഭാഗത്തില് ഭരതനാട്യം, കുച്ചിപ്പുടി, മോഹിനിയാട്ടം എന്നിവയും ഗ്രൂപ്പ് ഡാന്സുമാണ് മത്സരയിനങ്ങള്. ഐസിസി അശോക ഹാളില് വൈകിട്ട് 3.30 മുതല് മത്സരങ്ങള് ആരംഭിക്കും. ദോഹയിലെ 14 ഇന്ത്യന് സ്കൂളുകളില് നിന്നായി നൂറിലധികം വിദ്യാര്ത്ഥികള് മത്സരങ്ങളില് പങ്കെടുക്കും.
ഒരു മത്സരയിനത്തില് ഒരു സ്കൂളില് നിന്ന് ഒരു വിദ്യാര്ത്ഥിക്ക് മാത്രമേ പങ്കെടുക്കാന് അവസരമുള്ളൂ. ഇന്ത്യയിലെ പ്രശസ്ത നര്ത്തകരായ ഗായത്രി സുബ്രഹ്മണ്യന്, രേഖ സതീഷ് എന്നിവരാണ് വിധികര്ത്താക്കള്. വിജയികള്ക്ക് ചാമ്പ്യന്സ് ട്രോഫി നല്കും. സ്കൂളുകള് തമ്മിലുള്ള മത്സരമല്ല ലക്ഷ്യമെന്ന് ഐസിസി പ്രസിഡന്റ് എ പി മണികണ്ഠന് വാര്ത്താസമ്മേളനത്തില് പറഞ്ഞു.
ഐസിസി ഭാരവാഹികളായ മോഹന് കുമാര്, എബ്രഹാം ജോസഫ്, ശാന്തനു ദേശ്പാണ്ഡെ, സുബ്രഹ്മണ്യ ഹെബ്ബാഗെലു, സജീവ് സത്യശീലന്, സുമ്മാ ഗൗഡ, വിധികര്ത്താക്കളായ ഗായത്രി സുബ്രഹ്മണ്യന് , രേഖാ സതീഷ് തുടങ്ങിയവര് വാര്ത്താസമ്മേളനത്തില് പങ്കെടുത്തു.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/DwYqZdMYXUCGOpYy8tmMSU