November 20, 2023
November 20, 2023
ദോഹ: ഗസയിൽ ബന്ദികളാക്കിയ 200 ലധികം പേരെ മോചിപ്പിക്കാനുള്ള കരാറിൽ 'ചെറിയ വെല്ലുവിളികൾ' മാത്രമേ അവശേഷിക്കുന്നുള്ളൂവെന്ന് ഖത്തർ പ്രധാനമന്ത്രി ഷെയ്ഖ് മുഹമ്മദ് ബിൻ അബ്ദുൽറഹ്മാൻ അൽ താനി പറഞ്ഞു.
ബന്ദികളുടെ മോചനത്തിന്റെ ചർച്ചകളിൽ അവശേഷിക്കുന്ന വെല്ലുവിളികൾ വളരെ ചെറുതാണ്. അവ കൂടുതൽ ലോജിസ്റ്റിക്കും പ്രായോഗികമാണെന്നും ഖത്തർ പ്രധാനമന്ത്രി യൂറോപ്യൻ യൂണിയന്റെ വിദേശ നയ മേധാവി ജോസെപ് ബോറെലുമായി നടത്തിയ സംയുക്ത പത്രസമ്മേളനത്തിൽ പറഞ്ഞു.
മൂന്ന് ദിവസത്തെ വെടിനിർത്തലിന് പകരമായി 50 തടവുകാരെ കൈമാറാൻ ഖത്തറിന്റെ മധ്യസ്ഥതയിൽ ഇസ്രായേലും ഹമാസും തമ്മിൽ കരാർ ഉണ്ടാക്കുന്നതായി റോയിട്ടേഴ്‌സ് വാർത്താ ഏജൻസി റിപ്പോർട്ട് ചെയ്‌തിരുന്നു. കൂടാതെ ഗസയിൽ താത്കാലിക വെടിനിർത്തലിന് പകരമായി ബന്ദികളാക്കിയ സ്ത്രീകളെയും കുട്ടികളെയും മോചിപ്പിക്കാൻ ഒരു താൽക്കാലിക കരാറിലെത്തിയതായി വാഷിംഗ്ടൺ പോസ്റ്റ് പത്രവും റിപ്പോർട്ട് ചെയ്തു.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
