February 19, 2024
February 19, 2024
ദോഹ: ഖത്തറിൽ അഞ്ചാമത് സൂഖ് വാഖിഫ് അന്താരാഷ്ട്ര തേന്‍ പ്രദര്‍ശനം രണ്ട് ദിവസത്തേക്ക് കൂടി നീട്ടിയതായി സൂഖ് വാഖിഫ് മാനേജ്മെന്റ് അറിയിച്ചു. ഫെബ്രുവരി 21 (ബുധൻ) വരെയാണ് പ്രദർശനം നീട്ടിയത്. ശക്തമായ പൊതുജന താൽപര്യം കണക്കിലെടുത്താണ് പ്രദർശനം രണ്ട് ദിവസത്തേക്ക് കൂടി നീട്ടുന്നതെന്ന് സംഘാടകർ വ്യക്തമാക്കി.
25 രാജ്യങ്ങളില്‍ നിന്നുള്ള 100ലധികം പ്രാദേശിക, അന്തര്‍ദേശീയ കമ്പനികള്‍ ഫെസ്റ്റിവലില്‍ പങ്കെടുക്കുന്നുണ്ട്. 60 ഇനം തേനുകളാണ് പ്രദര്‍ശനത്തിലുള്ളത്. സൂഖ് വാഖിഫിന്റെ ഈസ്റ്റേണ്‍ സ്‌ക്വയറിലാണ് പ്രദര്‍ശനം.
പ്രദർശനത്തിലുള്ള തേനിൻ്റെ ഗുണനിലവാരം നിർണ്ണയിക്കുന്നതിനുള്ള ടെസ്റ്റിംഗ് ലാബും പ്രദർശനത്തിൽ ഉണ്ടായിരിക്കും. തേനീച്ച ഉൽപന്നങ്ങൾ ഉപയോഗിച്ചുള്ള ഇതര ഔഷധങ്ങളെക്കുറിച്ച് സന്ദർശകർക്ക് പഠിക്കാൻ കഴിയുന്ന എപ്പിതെറാപ്പി സേവനങ്ങളുടെ ബൂത്തും പ്രദർശനത്തിലുണ്ട്. ഒമാനിലെ ഏറ്റവും പ്രശസ്തമായ മധുരപലഹാരമായ തേൻ ചേർത്ത ഹൽവയുടെ തത്സമയ പാചക പ്രദർശനവും സന്ദർശകരെ കാത്തിരിക്കുന്നുണ്ട്.
സിദർ, അക്കേഷ്യ, കണ്ടൽക്കാടുകൾ, മനുക, ലാവെൻഡർ, താൽ, കാശിത്തുമ്പ, മജ്ര, ആതൽ, സമ്ര, വൈറ്റ് ഹണി എന്നിവ പ്രദർശനത്തിലുള്ള ശ്രദ്ധേയമായ തേൻ ഇനങ്ങളാണ്.
രാവിലെ 9 മണി മുതൽ ഉച്ചയ്ക്ക് 12 മണി വരെയും വൈകുന്നേരം 3:30 മണി മുതൽ രാത്രി 10 മണി വരെയും, വെള്ളിയാഴ്ചകളിൽ ഉച്ചകഴിഞ്ഞ് 3 മണി മുതൽ രാത്രി 9 മണി വരെയും പ്രദർശനം ഉണ്ടായിരിക്കും. പ്രവേശനം സൗജന്യമാണ്.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
