January 04, 2024
January 04, 2024
ദോഹ: ഖത്തറില് ഇന്റര്നാഷണല് ഹണി ആന്റ് ഡേറ്റ്സ് എക്സിബിഷനുകൾക്ക് ഫെബ്രുവരിയില് സൂഖ് വാഖിഫില് തുടക്കമാവും. ഫെബ്രുവരി 10 മുതല് 15 വരെ ഇന്റര്നാഷണല് തേന് എക്സിബിഷനും ഫെബ്രുവരി 25 മുതല് മാര്ച്ച് 5 വരെ ഡേറ്റ്സ് എക്സിബിഷനും നടക്കുമെന്ന് സൂഖ് വാഖിഫ് മാനേജ്മെന്റ് അറിയിച്ചു. ഈ പ്രദർശനങ്ങൾക്ക് പ്രവേശന ഫീസ് ഇല്ല.
സന്ദർശകർക്കായി പലതരം ഈത്തപ്പഴങ്ങളും തേനും പ്രദർശനത്തിൽ ഉണ്ടായിരിക്കും. തേൻ ഉൽപന്നങ്ങളായ സിദ്ർ, വൈൽഡ് സിദർ, മനുക, സ്റ്റിംഗ്ലെസ് തേനീച്ച, അക്കേഷ്യ, പുൽത്തകിടി, വെള്ള തേൻ, ഇഞ്ചി തേൻ, മൗണ്ടൻ ഫ്ലവർ തേൻ, ഈന്തപ്പഴ ഉൽപ്പന്നങ്ങളായ ഹലാവി, മസാഫത്തി, മെഡ്ജൂൾ, ജോർദാൻ ബാങ്ക്സ് ഈത്തപ്പഴം, മിൽക്ക് ചോക്ലേറ്റ് ബദാം ഈത്തപ്പഴം, തേങ്ങാക്കൊത്ത് ഈത്തപ്പഴം തുടങ്ങിയവ സന്ദർശകർക്ക് ആസ്വദിക്കാം.
എക്സിബിഷന്റെ ഭാഗമാകാൻ താൽപ്പര്യമുള്ള പ്രദർശകർക്ക് exhibition.souqwaqif.qa എന്ന വെബ്സൈറ്റ് വഴി രജിസ്റ്റർ ചെയ്യാം. റീഫണ്ടബിൾ സെക്യൂരിറ്റി ഡെപ്പോസിറ്റായി 5,000 ഖത്തർ റിയാൽ പ്രദർശകർ അടക്കണം. പങ്കെടുക്കുന്നവർക്ക് 500 കിലോഗ്രാം തേനും ഒരു ടൺ ഈത്തപ്പഴവും പുറത്തേക്ക് അയക്കാനള്ള സൗകര്യമുണ്ടായിരിക്കും. സൂഖ് വാഖിഫ് ഹോട്ടലുകളിൽ പ്രത്യേക ഓഫറുകൾ, ഖത്തർ എയർവേയ്സ് വഴിയുള്ള ഡിസ്കൗണ്ട് ഷിപ്പിംഗ്, പങ്കെടുക്കുന്ന രാജ്യങ്ങൾക്കുള്ള പ്രവേശന വിസകൾ എന്നിവ ഉൾപ്പെടെയുള്ള സവിശേഷമായ ആനുകൂല്യങ്ങളും പ്രദർശകർക്കുണ്ട്.
അതേസമയം, കഴിഞ്ഞ വർഷത്തെ ഹണി ആന്റ് ഡേറ്റ്സ് പ്രദർശനത്തിൽ 25 രാജ്യങ്ങളിൽ നിന്നുള്ള 160 ഫാമുകളും കമ്പനികളുമാണ് പങ്കെടുത്തത്. കൂടാതെ, 50 തരം തേനും 50 ഇനം ഈത്തപ്പഴങ്ങളും എക്സിബിഷനിൽ പ്രദർശിപ്പിച്ചിരുന്നു. 31 ഖത്തറി തേൻ ഇറക്കുമതി കമ്പനികളുടെയും 26 പ്രാദേശിക ഉൽപാദകരുടെയും സാന്നിധ്യവും പ്രദർശനത്തിൽ ശ്രദ്ധ നേടി. ഒമാൻ, ടുണീഷ്യ, ലിബിയ, ഫലസ്തീൻ, ജോർജിയ തുടങ്ങിയ രാജ്യങ്ങളും കഴിഞ്ഞ വർഷം പങ്കെടുത്തിരുന്നു.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F