March 17, 2024
March 17, 2024
ദോഹ: ഖത്തറിൽ രക്തദാനത്തിനും അവയവദാനത്തിനുമായി ഹമദ് മെഡിക്കല് കോര്പ്പറേഷന് (എച്ച്എംസി) റമദാന് കാമ്പയിന് ആരംഭിച്ചു. അല് ഫൈസല് വിത്തൗട്ട് ബോര്ഡേഴ്സ് ഫൗണ്ടേഷനുമായി സഹകരിച്ച് തുടര്ച്ചയായ 11-ാം തവണയാണ് റമദാന് ഫീല്ഡ് കാമ്പയിന് നടത്തുന്നത്. കാമ്പയിന് ഏപ്രില് 9 വരെ തുടരും.
രക്ത ദാനത്തിന്റെയും അവയവദാനത്തിന്റെയും പ്രാധാന്യത്തെക്കുറിച്ചുള്ള അവബോധം സൃഷ്ടിക്കുന്നതിനും, മെഡിക്കല് മേഖലയ്ക്കും രോഗികള്ക്കും ഈ സേവനങ്ങളുടെ പ്രാധാന്യത്തെക്കുറിച്ചുള്ള അവബോധം വര്ദ്ധിപ്പിക്കുന്നതിനുമുള്ള അല് ഫൈസല് വിത്തൗട്ട് ബോര്ഡേഴ്സ് ഫൗണ്ടേഷന്റെ ശ്രമങ്ങളുടെ ഭാഗമായാണ് കാമ്പയിന് നടത്തുന്നത്.
2013 മുതല് ആരംഭിച്ച രക്ത-അവയവ ദാന കാമ്പെയ്ന്റെ തുടര്ച്ച, അല് ഫൈസല് വിത്തൗട്ട് ബോര്ഡേഴ്സ് ഫൗണ്ടേഷനും എച്ച്എംസിയും തമ്മിലുള്ള പങ്കാളിത്തങ്ങളുടെ വിജയത്തിന്റെ വ്യക്തമായ തെളിവാണെന്ന് അല് ഫൈസല് വിത്തൗട്ട് ബോര്ഡേഴ്സ് ഫൗണ്ടേഷന്റെ ജനറല് മാനേജര് അബ്ദുല് ലത്തീഫ് അല് യാഫി പറഞ്ഞു.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F