August 02, 2023
August 02, 2023
ന്യൂസ്റൂം ബ്യൂറോ
ദോഹ: ഹമദ് രാജ്യാന്തര വിമാനത്താവളത്തിൽ യാത്രക്കാർക്ക് വഴി എളുപ്പത്തിൽ മനസിലാക്കാൻ പുതിയ ഡിജിറ്റൽ വേ ഫൈൻഡിംഗ് സൗകര്യം പ്രവർത്തനം തുടങ്ങി. വിമാനത്താവളത്തിന്റെ ടെർമിനലിലുടനീളം ഡിജിറ്റൽ ടച്ച് പോയിന്റുകളുടെ സേവനം ക്യുആർ കോഡ് വഴി ഉപയോഗപ്പെടുത്തി യാത്രക്കാർക്ക് എളുപ്പത്തിൽ ലക്ഷ്യസ്ഥാനങ്ങളിലെത്താൻ കഴിയുന്നതാണ് പുതിയ സംവിധാനം.
ഓർച്ചാർഡിൽ നിന്ന് ലാംപ് ബെയറിലേക്ക് പോകാനും, ഡൈനിംഗ് ഏരിയ, റീറ്റെയ്ൽ ഷോപ്പുകൾ എന്നിവിടങ്ങളിലേക്ക് പോകാനും ഈ സൗകര്യം ഉപയോഗപ്പെടുത്താം. ഫ്ലൈറ്റ് സംബന്ധിച്ച അറിയിപ്പുകൾ, പുറപ്പെടൽ ഗേറ്റ് കണ്ടെത്തൽ, തുടങ്ങിയവയും ഈ ഡിജിറ്റൽ സേവനത്തിലൂടെ എളുപ്പമാകും. പുതിയ ഡിജിറ്റൽ സൊല്യൂഷൻ എല്ലാ മൊബൈൽ ഉപകരണങ്ങളിലും ലഭ്യമാണ്.
'യാത്രക്കാർക്കായി ഒന്നിലധികം ഡിജിറ്റൽ ടച്ച് പോയിന്റുകളുണ്ട്. ഇതിനെ ഞങ്ങൾ നിരന്തരം വിലയിരുത്തുകയും ചെയ്യുന്നുണ്ട് . വിമാനത്താവളത്തിലെ സാങ്കേതിക പരിഹാരങ്ങൾക്കും, യാത്രക്കാരുടെ ആവശ്യങ്ങൾക്കും ഈ സേവനം തുടരും'- പുതിയ ഡിജിറ്റൽ സേവനത്തെക്കുറിച്ച് ഹമദ് ഇന്റർനാഷണൽ എയർപോർട്ടിലെ ടെക്നോളജി ആൻഡ് ഇന്നൊവേഷൻ സീനിയർ വൈസ് പ്രസിഡന്റ് സുഹൈൽ കദ്രി പറഞ്ഞു.
ന്യൂസ്റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/IkqmkUPd0fhGs9abNGXONm