August 02, 2023
August 02, 2023
ന്യൂസ്റൂം ബ്യൂറോ
ദോഹ: ഹമദ് ഇന്റർനാഷണൽ എയർപോർട്ട് (ഡി.ഓ.എച്ച്) പ്രീമിയം വാലെറ്റ് പാർക്കിംഗ് സേവനങ്ങൾ പുനരാരംഭിച്ചതായി പ്രഖ്യാപിച്ചു. ഇപ്പോൾ വർദ്ധിച്ചുവരുന്ന യാത്രക്കാരുടെ എണ്ണത്തിന്റെ അടിസ്ഥാനത്തിൽ കൂടുതൽ ആനുകൂല്യങ്ങളും മന്ത്രാലയം വാഗ്ദാനം ചെയ്തു. ഗേറ്റ് 1 ന് സമീപമുള്ള ഡിപ്പാർച്ചർ കർബ്സൈഡിലാണ് പ്രീമിയം പാർക്കിംഗ് സേവനങ്ങളുള്ളത്. എന്നാൽ, കുറഞ്ഞത് ഒരു ദിവസമെങ്കിലും പാർക്ക് ചെയ്യുന്നവർക്ക് മാത്രമായിരിക്കും ഈ സേവനങ്ങൾ ഉപയോഗിക്കാനാവുക.
ഗേറ്റ് 1 ന് സമീപം എപ്പോഴും സഹായത്തിനായി വാലറ്റ് പാർക്കിംഗ് ജീവനക്കാർ, യാത്രക്കാരുടെ ലഗേജുകൾക്ക് കോംപ്ലിമെന്ററി പോർട്ടേജ് സേവനം, സൗജന്യമായി എക്സ്റ്റീരിയർ വെഹിക്കിൾ വാഷ്; തുടങ്ങിയ ആനുകൂല്യങ്ങളും യാത്രക്കാർക്ക് ലഭിക്കുന്നതായിരിക്കും.
യാത്രക്കാർക്ക് സേവനങ്ങൾ സൗകര്യപ്രദമാവാൻ, പ്രീമിയം വാലെറ്റ് സേവനം ടിക്കറ്റ് രഹിതവും പണരഹിതവുമായ പദ്ധതിയാണ്. യാത്രക്കാർക്ക് അവരുടെ വാഹനങ്ങൾ തിരിച്ചെടുക്കാൻ വാട്ട്സ്ആപ്പ് അല്ലെങ്കിൽ എസ്എംഎസ് വഴി ഇ-ടിക്കറ്റ് സേവനവും ഉണ്ടായിരികും .
ന്യൂസ്റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/IkqmkUPd0fhGs9abNGXONm