September 14, 2023
September 14, 2023
ദോഹ: മിഡിൽ ഈസ്റ്റിലെ ഏറ്റവും മികച്ച വിമാനത്താവളത്തിനുള്ള 2023 ലെ ബിസിനസ് ട്രാവലർ പുരസ്കാരം ദോഹ ഹമദ് രാജ്യാന്തര വിമാനത്താവളത്തിന് ലഭിച്ചു. ഇന്നലെ (സെപ്റ്റംബർ 13, ബുധനാഴ്ച) ലണ്ടനിലെ റോയൽ ഗാർഡൻ ഹോട്ടലിൽ വച്ചായിരുന്നു അവാർഡ് ദാന ചടങ്ങ്. ലോകത്തിലെ ഏറ്റവും മികച്ച രണ്ടാമത്തെ വിമാനത്താവളമായും ഹമദ് വിമാനത്താവളം തിരഞ്ഞെടുക്കപ്പെട്ടു.
ട്രാവൽ ആൻഡ് ഹോസ്പിറ്റാലിറ്റി വ്യവസായത്തിലെ ഏറ്റവും പ്രധാന അവാർഡുകളിൽ ഒന്നാണ് ബിസിനസ് ട്രാവലർ അവാർഡുകൾ. ട്രാവൽ, ഹോസ്പിറ്റാലിറ്റി വ്യവസായങ്ങളിലെ നേട്ടങ്ങൾ ആഘോഷിക്കുന്നതിനായി 200-ലധികം വ്യവസായ പ്രമുഖരാണ് അവാർഡ് ദാന ചടങ്ങിൽ പങ്കെടുത്തത്.
മികച്ച ഡൈനിംഗ് ഓപ്ഷനുകൾ, ആർട്ട് കളക്ഷനുകൾ, ആഡംബര ഷോപ്പിംഗ് ഓപ്ഷനുകൾ, 180 ലധികം ലോകോത്തര റീട്ടെയിൽ, തുടങ്ങിയ വൈവിധ്യമാർന്ന സേവനങ്ങളാണ് ഹമദ് വിമാനത്താവളത്തിലുള്ളത്.
ന്യൂസ്‌റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/G3GYQhfaTLoDVK1Qr9fc5G
