August 01, 2023
August 01, 2023
ന്യൂസ്‌റൂം ബ്യൂറോ
ദോഹ :ഖത്തറിലെ ഹമദ് ജനറൽ ആശുപത്രി നവീകരണത്തിനായി സെപ്റ്റംബർ മുതൽ രണ്ട് വർഷത്തേക്ക് അടച്ചിടുമെന്ന് ദോഹ ന്യൂസ് റിപ്പോർട്ട് ചെയ്തു.
അറ്റകുറ്റപ്പണികളുടെ ആദ്യ ഘട്ടത്തിൽ ഔട്ട്പേഷ്യന്റ് ക്ലിനിക്കുകളും ഓപ്പറേഷൻ റൂമുകളും ഉൾപ്പെടില്ല. കൂടാതെ കിടപ്പുരോഗികളെ ഐഷ അൽ-അത്തിയ ആശുപത്രിയിലേക്കും മെഡിക്കൽ കെയർ ആൻഡ് റിസർച്ച് സെന്ററിലേക്കും മാറ്റുമെന്നും റിപ്പോർട്ടിൽ പറയുന്നു.
പൊതുമരാമത്ത് അതോറിറ്റി വിഭാഗം തയ്യാറാക്കിയ വികസന പദ്ധതിയുടെ ഭാഗമായി 4.1 ബില്യൺ ഖത്തർ റിയാൽ ചിലവഴിച്ചാണ് നവീകരണം പൂർത്തിയാക്കുകയെന്ന് അൽ ശർഖ് റിപ്പോർട്ട് ചെയ്തു.അഞ്ചു വർഷം മുമ്പാണ് ആശുപത്രി നവീകരിക്കാൻ തീരുമാനിച്ചത്.
അതേസമയം, നവീകരണ പദ്ധതികളുടെ കൂടുതൽ വിശദാംശങ്ങൾ ഇതുവരെ പുറത്തുവിടുകയോ അധികൃതരിൽ നിന്ന് ഇതുസംബന്ധിച്ച ഔദ്യോഗിക പ്രതികരണമുണ്ടാവുകയോ ചെയ്തിട്ടില്ല.
ന്യൂസ്‌റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/IkqmkUPd0fhGs9abNGXONm
