October 04, 2023
October 04, 2023
സിക്കിം: വടക്കന് സിക്കിമിലെ ലഖന്വാലിയില് ഉണ്ടായ മിന്നല് പ്രളയത്തില് 23 സൈനികര് അടക്കം 30 പേരെ കാണാതായി. മുന്ന് മരണം റിപ്പോര്ട്ട് ചെയ്തതായാണ് പ്രാഥമിക വിവരം. ലാചെന് താഴ്വരയില് ഇന്ന് (ഒക്ടോബര് 4) പുലര്ച്ചെയായിരുന്നു സംഭവം.
മിന്നല്പ്രളയത്തെ തുടര്ന്ന് ടീസ്റ്റ നദിയില് ഉണ്ടായ വെള്ളപ്പൊക്കത്തില് സൈനികര് ഒഴുക്കില്പ്പെടുകയായിരുന്നു. കാണാതായവര്ക്കായി പ്രദേശത്ത് തെരച്ചില് പുരോഗമിക്കുകയാണ്. അതേസമയം റോഡുകള് ഒലിച്ചുപോയതും മഴ തുടരുന്നതും രക്ഷാപ്രവര്ത്തനം ദുഷ്കരമാക്കുന്നു.
വെള്ളപ്പൊക്കത്തില് ആര്മി ക്യാമ്പ് പൂര്ണമായും മുങ്ങി. നിരവധി വാഹനങ്ങളും കെട്ടിടങ്ങളും ഒലിച്ചുപോയി. നദിയിലെ ജലനിരപ്പ് ക്രമാതീതമായി ഉയര്ന്നതിനെ തുടര്ന്ന് നദിക്ക് കുറുകെയുള്ള നടപ്പാലവും തകര്ന്നു. വിനോദ സഞ്ചാരത്തിനായി സിക്കിമില് എത്തിയ മലയാളികള് ഉള്പ്പെടെയുള്ളവരും ഒറ്റപ്പെട്ടതായാണ് വിവരം. സിക്കിം സര്ക്കാര് പ്രദേശത്ത് അതീവ ജാഗ്രതാ നിര്ദേശം പുറപ്പെടുവിച്ചിട്ടുണ്ട്.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/FSQLmJGMow51SCIIBEEcWV