November 27, 2023
November 27, 2023
ദോഹ: അഞ്ച് വര്ഷത്തെ പര്യടനത്തിന് ശേഷം ഖത്തറിലെ പാരമ്പര്യ പായ്ക്കപ്പല് ഫത് അല് ഖൈര് പഴയ ദോഹ തുറമുഖത്ത് തിരിച്ചെത്തി. സ്പെയിനിലെ ബാര്സിലോണയിലേക്കുള്ള യാത്രയ്ക്ക് ശേഷം ദോഹയില് തിരിച്ചെത്തിയ അറബി പായ്ക്കപ്പലിനെ പഴയ ദോഹ തുറമുഖത്ത് ഞായാറാഴ്ച സ്വീകരിച്ചു. പായ്ക്കപ്പല് സ്ഥിരമായി തുറമുഖത്ത് നങ്കൂരമിട്ടു. കപ്പലിനെ വിനോദ സഞ്ചാര കേന്ദ്രമാക്കി മാറ്റുകയാണ് ലക്ഷ്യം.
2022ലെ ഖത്തര് ഫിഫ ലോകകപ്പിന്റെ പ്രചരണാര്ത്ഥം ഇറ്റലി, ഫ്രാന്സ്, സ്പെയിന് ഉള്പ്പെടെയുള്ള നിരവധി യൂറോപ്യന് രാജ്യങ്ങളില് പര്യടനം നടത്തിയാണ് ഫത് അല് ഖൈര് പായ്ക്കപ്പല് തിരിച്ചെത്തിയത്.
പൊതുജനങ്ങള്ക്കായുള്ള ടൂറിസ്റ്റ് മ്യൂസിയം മാത്രമല്ല, ഖത്തറിലെ ജനങ്ങളുടെ സാംസ്കാരികവും നാഗരികവുമായ പൈതൃകത്തിന്റെ പ്രതീകമായും പായ്ക്കപ്പല് നിലകൊള്ളുമെന്ന് കത്താറ കള്ച്ചറല് വില്ലേജ് ജനറല് മാനേജര് ഖാലിദ് ബിന് ഇബ്രാഹിം അല് സുലൈത്തി പറഞ്ഞു. പായ്ക്കപ്പലിന്റെ യാത്രകളെക്കുറിച്ച് അറിയാന് എല്ലാവര്ക്കും അവസരമൊരുക്കുമെന്നും അദ്ദേഹം പറഞ്ഞു.
ഫത് അല് ഖൈര് പായ്ക്കപ്പലിന്റെ ക്യാപ്റ്റന് മുഹമ്മദ് അല് സദയേയും യാത്രയില് പങ്കെടുത്ത നാവികരെയും ചടങ്ങില് ആദരിച്ചു. 103 അടിയും 120 ടണ്ണും ഭാരമുള്ള പായ്ക്കപ്പലില് പരമ്പരാഗത കപ്പലോട്ട രീതികളാണ് ഉപയോഗിക്കുന്നത്.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F