September 04, 2023
September 04, 2023
ദോഹ: ഖത്തറിൽ ഹെൽത്ത് കാർഡ് പുതുക്കാൻ എന്ന പേരിൽ വ്യാജ സന്ദേശങ്ങൾ പ്രചരിക്കുന്നതായി പരാതി. ഇത്തരം സന്ദേശങ്ങൾ വ്യാജമാണെന്നും ഹമദ് മെഡിക്കൽ കോർപ്പറേഷൻ (എച്ച്എംസി) മുന്നറിയിപ്പ് നൽകി. രോഗികളോടും പൊതുജനങ്ങളോടും ജാഗ്രത പാലിക്കാനും, സ്ഥിരീകരിക്കാത്ത നമ്പറുകളിൽ നിന്ന് അയച്ച സന്ദേശങ്ങൾ തുറക്കുന്നതിൽ നിന്ന് വിട്ടുനിൽക്കാനും എച്ച്എംസി നിർദേശിച്ചു.
ഉപയോക്താവിന്റെ ഹെൽത്ത് കാർഡ് വാലിഡിറ്റി കഴിയാൻ പോകുന്നു, താഴെ നൽകിയ ലിങ്ക് വഴി കാർഡ് പുതുക്കുണം എന്ന വ്യാജ സന്ദേശമാണ് തട്ടിപ്പുകാർ അയക്കുന്നത്. ഈ സന്ദേശം തെറ്റാണെന്നും, ജനങ്ങളുടെ വ്യക്തിഗത വിവരങ്ങളോ ഹെൽത്ത് കാർഡോ അപ്ഡേറ്റ് ചെയ്യുന്നതായി അവകാശപ്പെടുന്ന ഇത്തരം ലിങ്കുകൾ ക്ലിക്ക് ചെയ്യരുതെന്നും, എച്ച്എംസി മുന്നറിയിപ്പ് നൽകി.
ഹമദ് മെഡിക്കൽ കോർപ്പറേഷന്റെ ഔദ്യോഗിക വെബ്സൈറ്റ് ലിങ്കിലൂടെ മാത്രമാണ് ഹെൽത്ത് കാർഡ് പുതുക്കേണ്ടതെന്നും അധികൃതർ വ്യക്തമാക്കി (https://services.hukoomi.gov.qa/en/e-services/renew-health-card).
ന്യൂസ്റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/7iFkiXrjqZbE8gsI6yASj9