October 19, 2023
October 19, 2023
ദോഹ: ഹമദ് അന്താരാഷ്ട്ര വിമാനത്താവളത്തില് എത്തിയ യാത്രക്കാരനില് നിന്ന് നാലായിരത്തിലധികം നിരോധിത ലിറിക്ക ഗുളികകള് പിടിച്ചെടുത്തു. കസ്റ്റംസ് നടത്തിയ പരിശോധനയിലാണ് നിരോധിത ഗുളികകള് കണ്ടെത്തിയത്. യാത്രക്കാരനില് നിന്ന് 4,284 മയക്കുമരുന്ന് കലര്ന്ന ലിറിക്ക ഗുളികകള് പിടിച്ചെടുത്തതായി ജനറല് അതോറിറ്റി ഓഫ് കസ്റ്റംസ് സാമൂഹിക മാധ്യമത്തിലൂടെ അറിയിച്ചു. ബാഗ് പരിശോധിച്ചപ്പോഴാണ് നിരോധിത ഗുളിക കണ്ടെത്തിയതെന്നും അതോറിറ്റി വ്യക്തമാക്കി.
അതേസമയം, ഒക്ടോബര് 16 ന് വിമാനത്താവളത്തില് എത്തിയ യാത്രക്കാരനില് നിന്നും 2.7 കിലോഗ്രാം കഞ്ചാവ് കസ്റ്റംസ് പിടികൂടിയിരുന്നു. രാജ്യത്തേക്ക് അനധികൃത വസ്തുക്കള് കൊണ്ടുവരുന്നതിനെതിരെ കസ്റ്റംസ് അതോറിറ്റി മുന്നറിയിപ്പ് നൽകിയിട്ടുണ്ട്. അത്യാധുനിക സംവിധാനത്തിന്റെ സഹായത്തോടെ കള്ളക്കടത്ത് തടയാനും യാത്രക്കാരുടെ ശരീരഭാഷ മനസിലാക്കാനുമുള്ള നൂതന സംവിധാനവും കസ്റ്റംസ് ഒരുക്കിയിട്ടുണ്ട്.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/DwYqZdMYXUCGOpYy8tmMSU
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F