December 12, 2023
December 12, 2023
ഡല്‍ഹി: ഖത്തറില്‍ മുന്‍ ഇന്ത്യന്‍ നാവിക സേനാംഗങ്ങള്‍ക്ക് വധശിക്ഷ വിധിച്ചതില്‍ കോണ്‍ഗ്രസ് എംപി മനീഷ് തിവാരി ഇന്ന് ( ഡിസംബർ 12, ചൊവ്വാഴ്ച) ലോക്‌സഭയില്‍ അടിയന്തര പ്രമേയ നോട്ടീസ് നല്‍കി. ഖത്തറില്‍ തടങ്കലിലായ മുന്‍ നാവിക ഉദ്യോഗസ്ഥരുടെ സ്ഥിതി സഭയില്‍ ചര്‍ച്ച ചെയ്യണമെന്നാവശ്യപ്പെട്ടാണ് നോട്ടീസ്. ഉദ്യോഗസ്ഥരെ ഇന്ത്യയിലേക്ക് തിരികെ കൊണ്ടുവരാന്‍ സ്വീകരിച്ച നടപടികള്‍ വ്യക്തമാക്കണമെന്നും മനീഷ് തിവാരി അടിയന്തര പ്രമേയ നോട്ടീസില്‍ ആവശ്യപ്പെട്ടു.
2022 ഓഗസ്റ്റ് മുതല്‍ ഇതേ വിഷയം നിരന്തരം സഭയ്ക്ക് അകത്തും പുറത്തും ഉന്നയിച്ചിട്ടും കേന്ദ്ര സര്‍ക്കാര്‍ വ്യക്തമായ മറുപടി നല്‍കിയില്ലെന്നും തിവാരി പറഞ്ഞു. ഒരു മലയാളി ഉള്‍പ്പെടെയുള്ള എട്ട് മുന്‍ ഇന്ത്യന്‍ നാവികരാണ് ഖത്തറില്‍ വധശിക്ഷയ്ക്ക് വിധിക്കപ്പെട്ട് ജയിലില്‍ കഴിയുന്നത്. ചാരവൃത്തി ആരോപിച്ച് 2022 ഓഗസ്റ്റിലാണ് ഉദ്യോഗസ്ഥര്‍ അറസ്റ്റിലായത്.
അതേസമയം തടവിലാക്കിയ നാവികരുമായി ഖത്തറിലെ ഇന്ത്യന്‍ അംബാസഡര്‍ കൂടിക്കാഴ്ച നടത്തിയിരുന്നു. ദുബായില്‍ ഖത്തര്‍ അമീറുമായി പ്രധാനമന്ത്രി നരേന്ദ്രമോദി നടത്തിയ ചര്‍ച്ചയ്ക്ക് പിന്നാലെയായിരുന്നു കൂടിക്കാഴ്ചയ്ക്ക് അനുമതി ലഭിച്ചത്.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
