November 23, 2023
November 23, 2023
ജിദ്ദ: സൗദിയിലെ സാംസ്കാരിക മന്ത്രാലയവും ഖത്തറിലെ സാംസ്കാരിക മന്ത്രാലയവും തമ്മിലുള്ള സാംസ്കാരിക സഹകരണത്തിനുള്ള ധാരണാപത്രത്തിന് സൗദി മന്ത്രിസഭ അംഗീകാരം നൽകി. നവംബർ 21ന് ചേർന്ന മന്ത്രിസഭ യോഗത്തിലാണ് ഇത് സംബന്ധിച്ച തീരുമാനമായത്. ഇരു രാജ്യങ്ങളും തമ്മിലുള്ള സാംസ്കാരിക സഹകരണത്തിനുള്ള ധാരണാപത്രം അംഗീകരിക്കുന്നതിന് ആവശ്യമായ നടപടികൾ ഖത്തർ കാബിനറ്റും അംഗീകരിച്ചു.
പൈതൃകം, വാസ്തുവിദ്യ, ഡിസൈൻ, മ്യൂസിയങ്ങൾ, ദൃശ്യകല, നാടകം, പെർഫോമിംഗ് ആർട്‌സ്, സാഹിത്യം, പ്രസിദ്ധീകരണം, വിവർത്തനം, ഫാഷൻ, പാചക കലകൾ, സിനിമകൾ തുടങ്ങിയ വിവിധ സാംസ്കാരിക മേഖലകളിൽ സഹകരണം വർദ്ധിപ്പിക്കുന്നതിന് ഇരു രാജ്യങ്ങളും തമ്മിലുള്ള സംയുക്ത സഹകരണം ധാരണാപത്രത്തിൽ ഉൾപ്പെടുന്നുണ്ട്. കൂടാതെ, ഇരു രാജ്യങ്ങളിലെയും പരിചയസമ്പന്നരായ പ്രൊഫഷണലുകൾക്കും കലാകാരന്മാർക്കുമിടയിൽ പരിശീലന പരിപാടികൾ, ശിൽപശാലകൾ, സെമിനാറുകൾ എന്നിവ നടത്തുക, പ്രദർശനങ്ങൾ നടത്തുക, കലാസൃഷ്ടികളും പുരാവസ്തു ശകലങ്ങളും കടം കൊടുക്കുക, ഉത്സവങ്ങളിലും സാംസ്കാരിക പരിപാടികളിലും പങ്കെടുക്കുക, വിവിധ സാംസ്കാരിക മേഖലകളിൽ സംയുക്ത തന്ത്രപരമായ പദ്ധതികൾ ഏറ്റെടുക്കുക, വിവിധ രൂപങ്ങളിൽ പൈതൃകം സംരക്ഷിക്കുന്നതുമായി ബന്ധപ്പെട്ട പദ്ധതികൾ, സാംസ്കാരിക പ്രവർത്തനങ്ങൾ മെച്ചപ്പെടുത്തുന്നതിനുള്ള നടപടിക്രമങ്ങൾ, യുനെസ്കോയുടെ (UNESCO) കരാറുകൾ നടപ്പാക്കുന്നതുമായി ബന്ധപ്പെട്ട പദ്ധതികൾ, ഇരു രാജ്യങ്ങളിലെയും പ്രതിനിധികളുടെയും വിദഗ്ധരുടെയും ഔദ്യോഗിക സന്ദർശനങ്ങൾ എന്നിവയും സഹകരണത്തിൽ ഉൾപ്പെടും.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
