November 13, 2023
November 13, 2023
കൊല്ക്കൊത്ത- സി. പി. എമ്മിന്റെ മുതിര്ന്ന നേതാവും പാര്ലമെന്റ് മുന് അംഗവുമായ ബസുദേബ് ആചാര്യ (81) അന്തരിച്ചു. ഹൈദരാബാദിലെ സ്വകാര്യ ആശുപത്രിയിലായിരുന്നു അന്ത്യം. വാര്ധക്യസഹജമായ അസുഖത്തെ തുടർന്ന് ചികിത്സയിലായിരുന്നു.
1942 ജൂണ് 11ന് പശ്ചിമ ബംഗാളിലെ പുരുലിയ ജില്ലയിലെ ബെറോയിലാണ് ജനിച്ചത്. റാഞ്ചി സര്വ്വകലാശാലയിലും കൊല്ക്കൊത്ത സര്വ്വകലാശാലയിലുമാണ് അദ്ദേഹം വിദ്യാഭ്യാസം പൂര്ത്തിയാക്കിയത്. 1975 ഫെബ്രുവരി 25ന് രാജലക്ഷ്മി ആചാര്യയെ വിവാഹം ചെയ്തു.
1980ല് ഏഴാം ലോകസഭയിലേക്കാണ് ആദ്യമായി തെരഞ്ഞെടുക്കപ്പെട്ടത്. 1984 മുതല് 2014 വരെ തുടര്ച്ചയായി ഒന്പത് തവണ പശ്ചിമ ബംഗാളിലെ ബങ്കുര മണ്ഡലത്തില് നിന്നുള്ള എം. പിയായിരുന്നു. 2014ല് തൃണമൂല് കോണ്ഗ്രസ് നേതാവ് മൂൺമൂൺ സെന്നിനോട് പരാജയപ്പെട്ടു.1981ല് സി. പി. ഐ. എം പുരുലിയ ജില്ലാ കമ്മിറ്റിയിലും, 1985 മുതല് സി. പി. ഐ. എം സംസ്ഥാന കമ്മിറ്റിയിലും അംഗമായിരുന്നു.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/CqJci12yE9VL8MZgKZYvGm
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F