October 30, 2023
October 30, 2023
ദോഹ: ഹമദ് അന്താരാഷ്ട്ര വിമാനത്താവളത്തില് യാത്രക്കാരനില് നിന്ന് കൊക്കെയ്ൻ പിടികൂടി. സംശയത്തെ തുടര്ന്ന് കസ്റ്റംസ് നടത്തിയ പരിശോധനയിലാണ് വിമാനത്താവളത്തില് എത്തിയ യാത്രക്കാരനില് നിന്ന് 2.52 കിലോ കൊക്കെയ്ൻ പിടികൂടിയത്. ബാഗിനുള്ളിലെ കവറിൽ നിന്നാണ് കൊക്കെയ്ൻ കണ്ടെത്തിയതെന്ന് കസ്റ്റംസ് വ്യക്തമാക്കി. പ്രതിയെ ബന്ധപ്പെട്ട വകുപ്പിന് കൈമാറിയിട്ടുണ്ട്.
അതേസമയം, ഒക്ടോബര് 24ന് വിമാനത്താവളത്തില് എത്തിയ യാത്രക്കാരനില് നിന്നും ഗബാപെന്റിന് ഗുളികകള് കസ്റ്റംസ് അധികൃതര് പിടിച്ചെടുത്തിരുന്നു. കണ്ടെയ്നറിനുള്ളില് രഹസ്യമായി ഒളിപ്പിച്ച നിലയിൽ കടത്താന് ശ്രമിച്ച 177 ഗുളികകളാണ് പിടിച്ചെടുത്തത്.
രാജ്യത്തേക്ക് അനധികൃത വസ്തുക്കള് കൊണ്ടുവരുന്നതിനെതിരെ ജനറല് കസ്റ്റംസ് അതോറിറ്റി മുന്നറിയിപ്പ് നല്കിയിരുന്നു. ആധുനിക സാങ്കേതിക ഉപകരണങ്ങള് ഉപയോഗിച്ചും യാത്രക്കാരുടെ ശരീര ഭാഷ മനസിലാക്കിയും കള്ളക്കടത്ത് കണ്ടുപിടിക്കാനുള്ള സംവിധാനങ്ങള് കസ്റ്റംസ് സജ്ജമാക്കിയിട്ടുണ്ട്.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/DwYqZdMYXUCGOpYy8tmMSU
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F