November 15, 2023
November 15, 2023
ദോഹ: ഖത്തറിലെ ഓക്സിജൻ പാർക്കിൽ നടത്താനിരുന്ന 'ചിൽഡ്രൻ എബൗ ഓൾ' പരിപാടി കാലാവസ്ഥ പ്രവചനത്തെത്തുടർന്ന് ഒരാഴ്ചത്തേക്ക് മാറ്റിവച്ചു. ഗസയിലെ കുട്ടികൾക്ക് ഐക്യദാർഢ്യവും പിന്തുണയും പ്രകടമാക്കാനുള്ള എഡ്യൂക്കേഷൻ എബൗ ഓൾ (ഇ.എ.എ) സംഘടനയുടെ പരിപാടിയാണ് മാറ്റിവച്ചത്.
പുതിയ ഷെഡ്യൂൾ അനുസരിച്ച് നവംബർ 24 ന് ഉച്ചയ്ക്ക് 1 മണി മുതൽ 8 മണി വരെ ഓക്സിജൻ പാർക്കിൽ പരിപാടി നടക്കുമെന്നും അധികൃതർ അറിയിച്ചു. ആദ്യം നവംബർ 17 നായിരുന്നു പരിപാടി നിശ്ചയിച്ചിരുന്നത്.
വാരാന്ത്യത്തിൽ ശക്തമായ മഴയ്ക്ക് സാധ്യതയുള്ളതിനാൽ, പങ്കെടുക്കുന്ന എല്ലാവരുടെയും, പ്രത്യേകിച്ച് കുട്ടികളുടെ സുരക്ഷയ്ക്കും ആസ്വാദനത്തിനും മുൻഗണന നൽകാനാണ് പരിപാടി മാറ്റിവെച്ചതെന്നും, അസൗകര്യത്തിൽ ഖേദിക്കുന്നതായും ഇ.എ.എ പ്രസ്താവനയിൽ വ്യക്തമാക്കി.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
