October 10, 2023
October 10, 2023
ദോഹ: മസ്തിഷ്ക മരണം സംഭവിച്ച കുട്ടിയുടെ വൃക്ക 48 വയസ്സുള്ള മുതിര്ന്ന രോഗിയിലേക്കാണ് വിജയകരമായി മാറ്റിവെച്ചത്. ഹമദ് ജനറല് ആശുപത്രിയും (എച്ച്എംസി) സിദ്ര മെഡിസിനുമായി സഹകരിച്ച് സെപ്തംബര് 11നാണ് എട്ട് മണിക്കൂര് നീണ്ടുനിന്ന ശസ്ത്രക്രിയ പൂര്ത്തിയാക്കിയത്. ശസ്ത്രക്രിയ വിജയകരമായി പൂര്ത്തിയാക്കിയതായി ക്യുഎന്എ (ഖത്തർ ന്യൂസ് ഏജന്സി) റിപ്പോര്ട്ട് ചെയ്തു. എച്ച്എംസിയും സിദ്ര മെഡിസിനും അടുത്തിടെ ഒപ്പുവെച്ച സഹകരണ കാരാറിന്റെ ഭാഗമായാണ് ശസ്ത്രക്രിയ നടന്നത്.
ഖത്തറിലെ മെഡിക്കല് സ്ഥാപനങ്ങള് തമ്മിലുള്ള ആദ്യത്തെ സംയുക്ത കരാറാണ് ഇതെന്നും അവയവം മാറ്റിവെയ്ക്കല് പദ്ധതി വിപുലീകരിക്കാനും വികസിപ്പിക്കാനും ലക്ഷ്യമിടുന്നതാണ് സിദ്ര മെഡിസിനുമായുള്ള സഹകരണമെന്നും എച്ച്എംസി മെഡിക്കല് ഡയറക്ടറും കിഡ്നി ട്രാന്സ്പ്ലാന്റ് വിഭാഗം മേധാവിയുമായ ഡോ. യൂസഫ് അല് മസ്ലമാനി വ്യക്തമാക്കി. കുട്ടിക്ക് മസ്തിഷ്ക മരണം സംഭവിച്ച ഉടന് കുടുംബം അവയവങ്ങള് ദാനം ചെയ്യാന് സന്നദ്ധത പ്രകടിപ്പിക്കുകയായിരുന്നുവെന്ന് സിദ്ര മെഡിസിന്സ് നെഫ്രോളജി മേധാവി പറഞ്ഞു. ഏഴ് വര്ഷത്തോളമായി ഡയാലിസ് ചെയ്തുവന്നിരുന്ന രോഗിയിലേക്കാണ് കുട്ടിയുടെ വൃക്ക മാറ്റിവെച്ചത്.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/FSQLmJGMow51SCIIBEEcWV