November 07, 2023
November 07, 2023
ദോഹ : മഹമൂദ് മാട്ടൂലിന്റെ പുതിയ ലേഖന സമാഹാരമായ കണ്ടതും കേട്ടതും തിരുവനന്തപുരം നിയമസഭ അന്താരാഷ്ട്ര പുസ്തകോത്സവ വേദിയിൽ പ്രകാശനം ചെയ്തു.
നോവലിസ്റ്റും, നിരൂപകനായ പ്രശസ്ത എഴുത്തുകാരൻ ഡോ.ജോർജ്ജ് ഓണക്കൂർ പ്രകാശന കർമ്മം നിർവ്വഹിച്ചു.എം വിജിൻ എം എൽ എ ആദ്യ പ്രതി ഏറ്റുവാങ്ങി.മുൻ എം പി പന്ന്യൻ രവീന്ദ്രൻ ചടങ്ങിൽ അധ്യക്ഷത വഹിച്ചു.കവിയും ഒരുമ മാസികയുടെ പത്രാധിപരുമായ സുധാകരൻ ചന്തവിള പുസ്തകം പരിചയപ്പെടുത്തി.
എഴുത്തുകാരിയും മുൻ കേരള അഡിഷണൽ സെക്രട്ടറിയുമായിരുന്നസജിനി എസ്, പ്രമുഖ സാമൂഹ്യ പ്രവർത്തകനായ കെ വി അബ്ദുള്ളകുട്ടി ഹാജി, എഴുത്തുകാരനും ചന്ദ്രിക സഹ. പത്രാധിപരുമായ ഫിർദൗസ് കായൽപുറം,എന്നിവർ ആശംസകൾ നേർന്നു.
ലിപി പബ്ലിക്കേഷൻ മാനേജർ ബാബു വർഗ്ഗീസ് സ്വാഗതവും മഹമൂദ് മാട്ടൂൽ നന്ദിയും പറഞ്ഞു.
ഖത്തർ പ്രവാസിയായ മഹമൂദ് മാട്ടൂലിന്റെ 16-മത്തെ പുസ്തകമാണ് കണ്ടതും കേട്ടതും. ലിപി പബ്ലിക്കേഷൻ പ്രസിദ്ധീകരിച്ച പുസ്തകത്തിന് ആറ്റക്കോയ പള്ളിക്കണ്ടിയാണ് അവതാരിക എഴുതിയത്.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/CqJci12yE9VL8MZgKZYvGm
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F