December 05, 2023
December 05, 2023
ദോഹ: ഖത്തറിൽ സകാത്ത് നൽകുന്നവർക്കും സ്വീകരിക്കുന്നവർക്കുമായി പുതിയ ആപ്പ് പുറത്തിറക്കി. ഔഖാഫ് ഇസ്ലാമിക കാര്യ മന്ത്രാലയത്തിലെ സകാത്ത് കാര്യ വകുപ്പാണ് ആപ്പ് പുറത്തിറക്കിയത്. അറബിയിൽ ആൻഡ്രോയിഡിലും ഐ. ഒ.എസിലും ലഭ്യമായ ആപ്പ് വൈകാതെ ഇംഗ്ലീഷിലും ലഭ്യമാകുമെന്ന് മന്ത്രാലയം വ്യക്തമാക്കി. ഇന്നലെ (ഡിസംബർ 4) മന്ത്രാലയത്തിന്റെ ആസ്ഥാനത്ത് നടത്തിയ വാർത്താ സമ്മേളനത്തിലാണ് അധികൃതർ ഇക്കാര്യം അറിയിച്ചത്.
സ്വർണം, വെള്ളി, സ്റ്റോക്ക് മാർക്കറ്റ് ഷെയറുകൾ എന്നിവയുടെ സകാത്ത് തുക നിർണയിക്കാൻ ആപ്പിലൂടെ സാധിക്കും. ഖത്തർ ഇസ്ലാമിക് ബാങ്ക് (ക്യുഐബി) വഴി സകാത്ത് അടയ്ക്കാൻ കഴിയുമെന്നും സകാത്ത് കാര്യ വകുപ്പ് ഡയറക്ടർ സാദ് ഇമ്രാൻ അൽ കുവാരി വാർത്താസമ്മേളനത്തിൽ പറഞ്ഞു.
സകാത്ത് നൽകുന്നവർക്ക് എക്‌സ്‌പ്രസ് കളക്ഷൻ ഇലക്‌ട്രോണിക് സേവനം ആപ്പ് വഴി അഭ്യർത്ഥിക്കാൻ അനുവദിക്കും. തുടർന്ന് സകാത്ത് കാര്യ വകുപ്പിലെ കളക്ഷൻ ആൻഡ് സകാത്ത് അക്കൗണ്ട്സ് വിഭാഗം അഭ്യർത്ഥന സ്വീകരിക്കുകയും ദാതാക്കളുമായി ആശയവിനിമയം നടത്തുകയും അവർക്ക് സകാത്ത് തുക ശേഖരിക്കുന്നതിനുള്ള ഉചിതമായ സ്ഥലവും സമയവും നിർണ്ണയിക്കുകയും ചെയ്യും.
അതേസമയം, സകാത്ത് സ്വീകരിക്കാൻ അർഹതയുള്ളവർക്കും ആപ്പിൽ സേവനം ഒരുക്കിയിട്ടുണ്ട്. ഇതിനായി അപേക്ഷയിൽ ആവശ്യപ്പെടുന്ന രേഖകൾ നൽണം. സകാത്ത് ആപ്പിനെ കുറിച്ചും സേവനങ്ങളെ കുറിച്ചും അറിയാൻ ആപ്പിൽ സൗകര്യമൊരുക്കിയിട്ടുണ്ട്. ആപ്പിൽ മന്ത്രാലയത്തിന്റെ ബാങ്ക് അക്കൗണ്ട് നമ്പറുകളും, കൂടാതെ ഓഫീസുകളുടെയും കളക്ഷൻ പോയിന്റുകളുടെയും ഗൂഗിൾ മാപ് ലൊക്കേഷനുകളും ഉൾപ്പെടുത്തിയിട്ടുണ്ട്.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
