January 16, 2024
January 16, 2024
ദോഹ: ഖത്തറില് ഗതാഗത വകുപ്പിന്റെ മേല്നോട്ടത്തില് നടത്തിയ ഇ- ബസിന്റെ ട്രയല് റണ് വിജയകരമായി പൂര്ത്തിയാക്കി. മൊവസലാത്തും യുടോങ്ങും സഹകരിച്ച് ലുസൈല് ബസ് ഡിപ്പോയിലാണ് ഇ- ബസിന്റെ ട്രയല് റണ് നടത്തിയത്. ഗതാഗത രംഗത്തെ വൈദ്യുതി ട്രാന്സിറ്റ് സംവിധാനത്തിലേക്ക് മാറ്റുന്നതിന്റെ ഭാഗമായാണ് തീരുമാനം. ഗതാഗതവും മൊബിലിറ്റി സംവിധാനവും കൂടുതൽ വികസിപ്പിക്കുന്നതിനുള്ള ശ്രമങ്ങൾ തുടരുമെന്നും, രാജ്യത്തെ സാമ്പത്തിക, സേവന മേഖലകളെ പിന്തുണയ്ക്കുമെന്നും ഗതാഗത മന്ത്രാലയം വ്യക്തമാക്കി.
കുറഞ്ഞ എനർജി, കുറഞ്ഞ ഇന്ധനം, കുറഞ്ഞ മലിനീകരണം, കുറഞ്ഞ കാർബൺ ഫൂട്ട്പ്രിന്റ്സ്, കുറഞ്ഞ ഗതാഗത അപകടങ്ങൾ, മെച്ചപ്പെട്ട ജീവിത നിലവാരം തുടങ്ങിയവ കൈവരിക്കുന്നതിനുമാണ് പദ്ധതി ലക്ഷ്യമിടുന്നത്. അത്യാധുനിക സെൻസറുകൾ, ഹൈ-ഡെഫനിഷൻ ക്യാമറകൾ, ലേസർ, അൾട്രാസോണിക് റഡാറുകൾ എന്നിവ ബസുകളിൽ സജ്ജീകരിച്ചിട്ടുണ്ട്. ഗതാഗതത്തിന്റെ കാര്യക്ഷമത വർദ്ധിപ്പിക്കാനും, സുരക്ഷിതവും കൂടുതൽ സുസ്ഥിരവുമായ നഗര അന്തരീക്ഷം ഉറപ്പാക്കാനും ഇ-ബസുകൾ സഹായിക്കും.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/KIGk615xlF1ILlMGxpUXqI
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F