September 28, 2023
September 28, 2023
ദോഹ: ഏഷ്യൻ ഗെയിംസിൽ രണ്ട് മെഡലുകൾ സ്വന്തമാക്കി ഖത്തർ. പുരുഷവിഭാഗം സ്കീറ്റ് ടീം ഷൂട്ടിംഗ് ഇനത്തിൽ നാസർ അൽ അതിയ്യ, റാഷിദ് സാലിഹ് ഹമദ്, മസൂദ് സാലിഹ് അൽ അത്ബ എന്നിവരുടെ ടീമാണ് വെള്ളി മെഡൽ നേടിയത്. വ്യക്തിഗത ഇനത്തിൽ നാസർ അൽ അതിയ്യ വെങ്കലവും നേടി.
നാസർ അൽ അതിയ്യയുടെ നാലാം ഏഷ്യൻ ഗെയിംസ് മെഡൽ നേട്ടമാണിത്. 2002ൽ ബുസാനിലും, 2010ൽ ഗുവാങ്ഷു ഏഷ്യൻ ഗെയിംസിലും ടീം ഇനത്തിൽ നാസർ സ്വർണം നേടിയിരുന്നു. 2010ലും 2012ലും വ്യക്തിഗത ഇനത്തിൽ വെങ്കലം നേടി.
വ്യക്തിഗത മത്സരത്തിൽ 64 പേരെ പിറകിലാക്കിയാണ് നാസർ മെഡൽ നേടിയത്. അതേസമയം ഷൂട്ടിങ്ങിൽ കുവൈത്തിന്റെ അബ്ദുല്ല അൽ റാഷിദി സ്വർണവും ഇന്ത്യയുടെ അഞ്ജീത് നറുക വെള്ളിയും നേടി. ടീം ഇനത്തിൽ ചൈനക്കാണ് സ്വർണം.
ന്യൂസ്റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/G3GYQhfaTLoDVK1Qr9fc5G