November 04, 2023
November 04, 2023
ദോഹ: ഖത്തറില് അറേബ്യന് വുമണ് എക്സിബിഷന്റെ ഒന്പതാമത് പതിപ്പിന് കഴിഞ്ഞദിവസം (നവംബര് 3) തുടക്കമായി. ഖത്തര് ചേംബര് ബോര്ഡ് അംഗവും ഖത്തറി ബിസിനസ് വുമണ് ഫോറം ചെയര്പേഴ്സനുമായ ഇബ്തിഹാജ് അല് അഹമ്മദാനി പ്രദര്ശനത്തിന്റെ ഉദ്ഘാടനം നിര്വഹിച്ചു. ഖത്തറിലെ വനിതാ സംരംഭകര്ക്ക് പിന്തുണ നല്കുന്നതോടൊപ്പം സംസ്ഥാനത്തെ സാമ്പത്തിക , വാണിജ്യ പ്രവര്ത്തനങ്ങളിലെ അവരുടെ സംഭാവനകള് ശക്തിപ്പെടുത്തുന്നതും ലക്ഷ്യമിട്ടാണ് എക്സ്പോ സംഘടിപ്പിക്കുന്നതെന്ന് അല് അഹമ്മദാനി പറഞ്ഞു.
ദോഹ എക്സിബിഷന് ആന്റ് കണ്വെന്ഷന് സെന്ററില് (ഡിഇസിസി) നവംബര് 8, ബുധനാഴ്ച വരെയാണ് പ്രദര്ശനം. എല്ലാ ദിവസവും രാവിലെ 10 മണിമുതല് രാത്രി 10 വരെയാണ് പ്രദര്ശനം. ഖത്തറി ബിസിനസ് വുമണ് ഫോറത്തിന്റെ സ്പോണ്സര്ഷിപ്പില് നടക്കുന്ന എക്സ്പോയില് ഖത്തറില് നിന്നുള്ള 170ലധികം പ്രമുഖ വനിതാ സംരംഭകര് പങ്കെടുക്കും. ഫാഷന് ആക്സസറീസ്, സ്ത്രീ സപ്ലൈസ് എന്നീ മേഖലകളില് ഖത്തറിലേയും വിദേശ രാജ്യങ്ങളിലേയും ഡിസൈനര്മാര് അവതരിപ്പിക്കുന്ന ഏറ്റവും പുതിയ ഡിസൈനുകളും ഉല്പ്പന്നങ്ങളും പ്രദര്ശനത്തിലുണ്ടാകും.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/DwYqZdMYXUCGOpYy8tmMSU
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://chat.whatsapp.com/CqJci12yE9VL8MZgKZYvGm