April 22, 2024
April 22, 2024
ദോഹ: ഖത്തറിൽ പുരാതന വസ്തുക്കൾക്കായുള്ള എക്സിബിഷൻ സംഘടിപ്പിക്കുന്നു. ഏപ്രിൽ 25 മുതൽ ഏപ്രിൽ 30 വരെ പ്രദർശനം സംഘടിപ്പിക്കുമെന്ന് കത്താറ പബ്ലിഷിംഗ് ഹൗസ് അറിയിച്ചു. 10 രാജ്യങ്ങളിൽ നിന്നുള്ള പ്രാദേശിക, അന്തർദേശീയ കമ്പനികളുടെ പങ്കാളിത്തത്തോടെ കത്താറ ഹാൾ ബിൽഡിംഗ് 12 ലാണ് പ്രദർശനം നടക്കുക. അൽബാഹി ഓക്ഷൻ ഹൗസിൻ്റെ സഹകരണത്തോടെ എക്‌സിബിഷനിൽ പുരാതന വസ്തുക്കൾക്കും, ചരിത്രപരമായ മൂല്യമുള്ള പഴയ ശേഖരണങ്ങൾക്കും ലേലവും സംഘടിപ്പിക്കും.
ഷെയ്ഖ് ഫൈസൽ ബിൻ ഖാസിം അൽതാനി മ്യൂസിയത്തിൽ (FBQ) നിന്നുള്ള മൂല്യവത്തായതും അപൂർവവുമായ ശേഖരണങ്ങളും പ്രദർശിപ്പിക്കും. കൂടാതെ വ്യക്തികളിൽ നിന്നും സ്ഥാപനങ്ങളിൽ നിന്നുമുള്ള മറ്റ് പുരാതന ശേഖരണങ്ങളും ക്ലാസിക് കാറുകളുടെ പ്രത്യേക ഷോകേസും പ്രദർശനത്തിൽ ഉണ്ടായിരിക്കും. അൽബാഹി ഓക്ഷൻ ഹൗസിൻ്റെ അപൂർവ കലാരൂപങ്ങളുടെ വ്യത്യസ്തവും അതുല്യവുമായ ശേഖരങ്ങളും പ്രദർശിപ്പിക്കുന്നുണ്ട്.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/Iq3CVicSDrS1LvIBvvkToc
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
