February 29, 2024
February 29, 2024
ദോഹ: ഖത്തറിലെ അൽ-വക്ര ഫുട്ബോൾ ക്ലബ് പ്രസിഡൻ്റ് ഷെയ്ഖ് ഖലീഫ ബിൻ ഹസൻ അൽ താനിയെ സസ്‌പെൻഡ് ചെയ്തു. 2024 ഫെബ്രുവരി 28 മുതൽ ആറ് മാസത്തേക്കാണ് സസ്പെൻഷൻ. ഖത്തർ ഫുട്ബോൾ അസോസിയേഷൻ്റെ (ക്യു.എഫ്.എ) അച്ചടക്ക സമിതിയുടേതാണ് തീരുമാനം. സ്‌റ്റേഡിയങ്ങളിൽ പ്രവേശിക്കുന്നതിനും വിലക്കേർപ്പെടുത്തി. 2024 ഓഗസ്റ്റ് 27 വരെ സസ്പെൻഷൻ തുടരുമെന്ന് കമ്മറ്റി ചെയർമാൻ ഹസൻ അൽ ഹമ്മദിയുടെ നേതൃത്വത്തിൽ നടന്ന ചേർന്ന യോഗം അറിയിച്ചു. 1,00,000 ഖത്തർ റിയാൽ പിഴയും ചുമത്തിയിട്ടുണ്ട്.
കായിക പെരുമാറ്റത്തിൻ്റെ പൊതുതത്വങ്ങളുടെ ലംഘനം കണക്കിലെടുത്താണ് തീരുമാനമെന്ന് ക്യുഎഫ്എ പത്രക്കുറിപ്പിൽ വ്യക്തമാക്കി. 2024 ഫെബ്രുവരി 25-ന് നടന്ന 2023-2024 സ്‌പോർട്‌സ് സീസണിലെ എക്‌സ്‌പോ സ്റ്റാർസ് ലീഗിൽ അൽ വക്ര ക്ലബ്ബും അൽ-സദ്ദ് ക്ലബ്ബും തമ്മിലുള്ള മത്സര റിപ്പോർട്ടുകൾ അവലോകനം ചെയ്‌ത ശേഷമാണ് തീരുമാനം.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
