February 17, 2024
February 17, 2024
ദോഹ: ഇന്ത്യയിലെ പുതിയ എയര്‍ലൈന്‍ കമ്പനിയായ ആകാശ എയര്‍ലൈന്‍സ് അന്താരാഷ്ട്ര സര്‍വ്വീസുകള്‍ ആരംഭിക്കുന്നു. മാര്‍ച്ച് 28ന് മുംബൈയില്‍ നിന്ന് ദോഹയിലേക്കാണ് ആദ്യ സര്‍വീസ്. മുംബൈയ്ക്കും ദോഹയ്ക്കും ഇടയില്‍ ആഴ്ചയില്‍ 4 നോണ്‍-സ്റ്റോപ്പ് ഫ്‌ലൈറ്റുകളാവും തുടക്കത്തിലുണ്ടാവുക.
'ഖത്തറിലേക്കുള്ള സര്‍വീസ് ഞങ്ങളുടെ വളര്‍ച്ചയിലെ അടുത്ത ഘട്ടത്തിന് തുടക്കമിടുന്നതാണ്. മാര്‍ച്ച് 28 മുതല്‍ ഇന്ത്യ- ഖത്തര്‍ എയര്‍ കണക്ടിവിറ്റി ശക്തമാക്കി മുംബൈ-ദോഹ സര്‍വീസ് ആരംഭിക്കും,' - ആകാശ എയര്‍ സ്ഥാപകനും സിഇഒയുമായ വിനയ് ദുബെ പറഞ്ഞു.
Delighted to introduce Doha as our first international destination on the growing Akasa network! Now enjoy 4x weekly, non-stop flights between Mumbai and Doha, starting 28th March.
— Akasa Air (@AkasaAir) February 16, 2024
Experience our warm and efficient service, multi-cuisine gourmet meals and comfortable seats with… pic.twitter.com/5oXN0uaegW
2022 ഓഗസ്റ്റിലാണ് ആകാശ എയര്‍ലൈന്‍സ് സര്‍വീസ് ആരംഭിച്ചത്. നിലവില്‍ 23 ബോയിംഗ് 737 മാക്‌സ് വിമാനങ്ങളാണ് കമ്പനിയുടെ ഉടമസ്ഥതയിലുള്ളത്. ഇന്ത്യയിലെ 19 നഗരങ്ങളെ ബന്ധിപ്പിച്ച് നിലവില്‍ സര്‍വീസ് നടത്തുന്നുണ്ട്. .
മിഡില്‍ ഈസ്റ്റിലെ അതിവേഗം വളരുന്ന ടൂറിസ്റ്റ് ഡെസ്റ്റിനേഷനായി മാറുക എന്ന ലക്ഷ്യത്തോടെ ഖത്തര്‍ ടൂറിസം നടപ്പാക്കുന്ന സ്ട്രാറ്റജി 2030 പദ്ധതിക്ക് അനുസൃതമായാണ് ഖത്തറിലേക്കുള്ള സര്‍വീസ് ആരംഭിക്കുന്നതെന്നും ആകാശ എയര്‍ സിഇഒ വ്യക്തമാക്കി. അതേസമയം വൈകാതെ തന്നെ മിഡില്‍ ഈസ്റ്റില്‍ നിന്നും കേരളത്തിലേക്കുള്ള സര്‍വീസുകള്‍ ആകാശ എയര്‍ ആരംഭിക്കുമെന്നാണ് റിപ്പോര്‍ട്ട്.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
