January 21, 2024
January 21, 2024
ദോഹ: എ.എഫ്.സി ഏഷ്യൻ ഇ-കപ്പിന് ഫെബ്രുവരി ഒന്നിന് കിക്കോഫ്. വെർച്വൽ പിച്ചിലാണ് മത്സരം. ഖത്തർ തന്നെയാണ് ഇ-ഫുട്ബോൾ മാച്ചിനും ആതിഥേയത്വം വഹിക്കുന്നത്. ഫെബ്രുവരി ഒന്നു മുതൽ അഞ്ചു വരെയാണ് മത്സരം. 20 ടീമുകൾ മാറ്റുരക്കുന്ന ചാമ്പ്യൻഷിപ്പിൽ ആതിഥേയരായ ഖത്തറും ഇന്ത്യയും ഉൾപ്പെടെയുള്ള ടീമുകൾ ആറു ഗ്രൂപ്പുകളിലായി മത്സരിക്കും.
ആരാധകരേറെയുള്ള ഇ-ഫുട്ബാൾ ആദ്യമായാണ് ഏഷ്യയിലെത്തുന്നത്. ആദ്യ നാല് ഗ്രൂപ്പുകളിൽ മൂന്ന് ടീം വീതവും, രണ്ട് ഗ്രൂപ്പുകളിൽ നാല് ടീം വീതവുമാണുള്ളത്.
ഗ്രൂപ് എ: ഖത്തർ, തജികിസ്ഥാൻ, ലെബനാൻ
ഗ്രൂപ് ബി: ഉസ്ബകിസ്ഥാൻ, ഇന്ത്യ, സിറിയ
ഗ്രൂപ് സി: ഇറാൻ, യു.എ.ഇ, ഹോങ്കോങ്
ഗ്രൂപ് ഡി: ജപ്പാൻ, ഇന്തോനേഷ്യ, വിയറ്റ്നാം
ഗ്രൂപ് ഇ: ദക്ഷിണ കൊറിയ, മലേഷ്യ, ജോർഡൻ, ബഹ്റൈൻ
ഗ്രൂപ് എഫ്: സൗദി അറേബ്യ, തായ്ലൻഡ്, കിർഗിസ്താൻ, ഒമാൻ
ഫെബ്രുവരി 1ന് ഉച്ചക്ക് 2 മണിക്ക് ഖത്തറും ലെബനാനും തമ്മിലെ മത്സരത്തോടെയാണ് ടൂർണമെന്റ് ആരംഭിക്കുക. ഉദ്ഘാടന ദിവസം തന്നെ സിറിയ-ഉസ്ബകിസ്ഥാൻ മത്സരവും നടക്കും. ഫെബ്രുവരി 2ന് ഉച്ചക്ക് 2 മണിക്ക് ഇന്ത്യ സിറിയയെ നേരിടും. ഫെബ്രുവരി 3 ന് ഇന്ത്യ ഉസ്ബകിസ്ഥാനെതിരെയും ഖത്തർ തജികിസ്ഥാനെതിരെയും പോരാടും. ഓരോ ഗ്രൂപ്പിൽ നിന്നുമുള്ള ആദ്യ രണ്ടു സ്ഥാനക്കാരും മികച്ച മൂന്നാം സ്ഥാനക്കാരായ നാലു പേരും പ്രീക്വാർട്ടറിൽ കളിക്കും.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/KIGk615xlF1ILlMGxpUXqI
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F