November 01, 2023
November 01, 2023
ദോഹ: മുൻ എഎഫ്സി വൈസ് പ്രസിഡന്റും ഫിഫ കൗൺസിൽ അംഗവുമായ സൗദ് അൽ മോഹന്നദിക്ക് ഏഷ്യൻ ഫുട്ബോൾ കോൺഫെഡറേഷന്റെ (എഎഫ്സി) എഎഫ്സി ഡയമണ്ട് ഓഫ് ഏഷ്യ അവാർഡ് മരണാനന്തര ബഹുമതിയായി ലഭിച്ചു. ഫുട്ബോളിന്റെ വികസനത്തിന് നൽകിയ സമഗ്ര സംഭാവനകൾക്കാണ് അവാർഡ്. ഇന്നലെ (ചൊവ്വ) ദോഹയിൽ നടന്ന എഎഫ്സി 2022 വാർഷിക അവാർഡ് ചടങ്ങിലാണ് പുരസ്കാരം പ്രഖ്യാപിച്ചത്.
ഏഷ്യയിലെ ഫുട്ബോൾ മുന്നേറ്റത്തിനായുള്ള മാതൃകാപരമായ വ്യക്തിഗത ശ്രമങ്ങളെ അംഗീകരിക്കുകയും ആദരിക്കുകയും ചെയ്യുന്ന കോൺഫെഡറേഷന്റെ ഏറ്റവും ഉയർന്ന അംഗീകാരമാണ് എ.എഫ്.സി ഡയമണ്ട് ഓഫ് ഏഷ്യ അവാർഡ്. 2023 ജനുവരിയിൽ അന്തരിച്ച അൽ മോഹന്നദിയുടെ ശ്രദ്ധേയമായ നേട്ടങ്ങളും അശ്രാന്തമായ അർപ്പണബോധവുമാണ് അദ്ദേഹത്തെ എഎഫ്സി ഡയമണ്ട് ഓഫ് ഏഷ്യ അവാർഡ് ജേതാവാക്കിയത്.
പരേതനായ സൗദ് അൽ മോഹന്നദിയുടെ മൂത്ത മകൻ അബ്ദുൾ അസീസ് സൗദ് അൽ മോഹന്നദിയാണ് എഎഫ്സി പ്രസിഡന്റ് ഷെയ്ഖ് സൽമാൻ ബിൻ ഇബ്രാഹിം അൽ ഖലീഫയിൽ നിന്ന് അവാർഡ് ഏറ്റുവാങ്ങിയത്.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/DwYqZdMYXUCGOpYy8tmMSU
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F