January 17, 2024
January 17, 2024
ദോഹ: എ.എഫ്.സി ഏഷ്യൻ കപ്പ് മത്സരങ്ങളുടെ ഭാഗമായി ഖത്തറിൽ വിവിധയിടങ്ങളിലായി വ്യാഴം, വെള്ളി ദിവസങ്ങളിൽ (ഫെബ്രുവരി 10 വരെ) വ്യത്യസ്തങ്ങളായ പരിപാടികൾ നടക്കും. ഖത്തർ ആഭ്യന്തര മന്ത്രാലയത്തിന് കീഴിലെ പബ്ലിക് റിലേഷൻസ് ആൻഡ് കമ്മ്യൂണിക്കേഷൻസ് വകുപ്പാണ് ഇക്കാര്യം അറിയിച്ചത്.
വൈകുന്നേരം 4 മണി മുതൽ രാത്രി 11 മണി വരെയാണ് പരിപാടികൾ നടക്കുക. ഇൻഡസ്ട്രിയൽ ഏരിയയിൽ ഏഷ്യൻ സിറ്റി അക്കമഡേഷനിലെ ഫുട്ബോൾ ഗ്രൗണ്ട്, ഇൻഡസ്ട്രിയൽ ഏരിയ ബർവ ബരാഹയിലെ ഫുട്ബോൾ ഗ്രൗണ്ട്, അൽ ഖോർ ഇൻഡസ്ട്രിയൽ ഏരിയ ബർവ വർക്കേഴ്സ് റീക്രിയേഷൻ കോംപ്ലക്സിലെ ആക്ടിവിറ്റി സോൺ എന്നിവിടങ്ങളിൽ വിവിധ പരിപാടികൾ അരങ്ങേറും.
ഏഷ്യൻ കപ്പ് മത്സരങ്ങൾ സൗജന്യമായി കാണാനുള്ള അവസരമുണ്ടാകും. കൂടാതെ, കമ്മ്യൂണിറ്റി ടീമുകളുടെ ഓർക്കസ്ട്ര പ്രകടനങ്ങൾ, സാംസ്കാരികവും പരമ്പരാഗതവുമായ പ്രദർശനങ്ങൾ, ആഭ്യന്തര മന്ത്രാലയത്തിന് കീഴിലെ ബോധവൽക്കരണ പരിപാടികൾ, കലാ മത്സരങ്ങൾ, സന്ദർശകർക്കുള്ള വിവിധ മത്സര പരിപാടികൾ, റാഫിൾ നറുക്കെടുപ്പ്, എന്നിവയും പരിപാടിയോടനുബന്ധിച്ച് നടക്കും.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/KIGk615xlF1ILlMGxpUXqI
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F