March 10, 2024
March 10, 2024
അബൂദാബി: യു.എ.ഇയിൽ വിവിധ വിനോദ സഞ്ചാര കേന്ദ്രങ്ങളിൽ പ്രവേശിക്കുന്നതിന് ഇളവ് ലഭിക്കുന്ന പുതിയ ‘അബൂദാബി പാസ്’ പുറത്തിറക്കി. പുതിയ പാസിൽ അബൂദാബിയിലെ പ്രധാന ആകര്‍ഷണ കേന്ദ്രങ്ങളിൽ 40 ശതമാനം വരെ ഇളവ് ലഭിക്കും. സിം കാര്‍ഡുകള്‍, ഗതഗാതം, മറ്റ് യാത്ര സേവനങ്ങള്‍, വിവിധ കേന്ദ്രങ്ങളിലെ പ്രവേശനം തുടങ്ങിയവയ്ക്കും ഇളവ് ലഭിക്കും. ‘എക്പീരിയന്‍സ് അബൂദാബി’ ആഗോള സഞ്ചാര സംവിധാനമായ ‘എലൈക്കു’മായി സഹകരിച്ചാണ് പാസ് സൗകര്യം ഏര്‍പ്പെടുത്തിയിരിക്കുന്നത്.
സ്മാര്‍ട്ട് പാക്കേജ്, ക്ലാസിക് പാക്കേജ്, എക്‌സ്‌പ്ലോറര്‍ പാക്കേജ് എന്നിങ്ങനെ മൂന്ന് തരം പാസുകളാണ് അനുവദിക്കുന്നത്. ലൂവർ അബൂദാബി, ഖസര്‍ അൽ ഹുസ്ന്‍, സര്‍ക്യൂട്ട് എക്‌സിലെ ബി.എം.എക്‌സ് പാര്‍ക്, ഡെസേര്‍ട്ട് സഫാരി തുടങ്ങിയ സ്ഥലങ്ങളിൽ പാസുകൾ ഉപയോഗിക്കാം. 114 ദിര്‍ഹം മുതലാണ് സ്മാര്‍ട്ട് പാക്കേജ് പാസിന്റെ നിരക്ക്. ഏഴ് കേന്ദ്രങ്ങളില്‍ രണ്ട് മുതല്‍ മൂന്ന് ദിവസം വരെ സന്ദര്‍ശിക്കാന്‍ കഴിയുന്നതാണ് ഈ പാസ്. 30 ശതമാനം വരെ ഇളവ് ഈ പാസിലൂടെ ലഭിക്കും. ഹോട്ടല്‍ ബുക്കിങ്ങിന് 5 ശതമാനം നിരക്കിളവും പാസില്‍ ലഭ്യമാണ്.
371 ദിര്‍ഹം മുതലാണ് ക്ലാസിക് പാക്കേജ് തുടങ്ങുന്നത്. നാല് മുതല്‍ ആറ് ദിവസം വരെ പാസ് ഉപയോഗിക്കാം. 16 കേന്ദ്രങ്ങളില്‍ 35 ശതമാനം ഇളവ് ലഭിക്കും. ഹോട്ടല്‍ ബുക്കിങ്ങുകള്‍ക്ക് 7 ശതമാനമാണ് നിരക്കിളവ്. എക്‌സ്‌പോളര്‍ പാക്കേജ് 488 ദിര്‍ഹം മുതലാണ് തുടങ്ങുന്നത്. 7 മുതല്‍ 10 ദിവസം വരെ കാലയളവുണ്ട്. 19 കേന്ദ്രങ്ങളില്‍ 40 ശതമാനം വരെ പ്രവേശന നിരക്കിളവും ലഭിക്കും. ഹോട്ടല്‍ ബുക്കിങ്ങിന് 10 ശതമാനത്തിന്റെ കുറവുണ്ടാകും.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
