December 19, 2023
December 19, 2023
ദോഹ: പ്രവാസി ലീഗൽ സെൽ ഖത്തർ ചാപ്റ്റർ അധ്യക്ഷനായി അബ്ദുൾ റഊഫ് കൊണ്ടോട്ടിയെ വീണ്ടും നിയമിച്ചു. പ്രവാസി ബോധവല്ക്കരണ രംഗത്തും സാമൂഹിക സാംസ്കാരിക രംഗങ്ങളിലുമുള്ള സജീവമായ ഇടപെടലുകള് പരിഗണിച്ചാണ് പ്രവാസി ലീഗല് സെല് ഖത്തര് ചാപ്റ്റര് അദ്ധ്യക്ഷനായി വീണ്ടും അദ്ദേഹത്തെ തെരഞ്ഞെടുത്തത്.
പ്രവാസികളുമായി ബന്ധപ്പെട്ട വിവിധ വിഷയങ്ങളിൽ നിയമപരമായ സഹായവും പിന്തുണയും നൽകുന്ന എൻ.ജി.ഒ (സർക്കാർ ഇതര സംഘടന) ആണ് പ്രവാസി ലീഗൽ സെൽ. റിട്ട.ജഡ്ജിമാർ, അഭിഭാഷകർ, മുതിർന്ന മാധ്യമ പ്രവർത്തകർ, സാമൂഹിക പ്രവർത്തകർ എന്നിവരുടെ നേതൃത്വത്തിൽ വിവിധ ഗൾഫ്, യൂറോപ്യൻ, അമേരിക്കൻ രാജ്യങ്ങളിൽ ലീഗൽ സെൽ ശക്തമായി പ്രവർത്തിക്കുന്നുണ്ട്.
പ്രവാസികളുടെ നിരവധി ആവശ്യങ്ങൾ നിയമപരമായി നേടിയെടുക്കുന്നതിൽ, ഇന്ത്യയിലും വിദേശത്തും ഏറെ ശ്രദ്ധേയമായ പ്രവർത്തനങ്ങൾ നടത്തിവരുന്ന പ്രവാസി ലീഗൽ സെല്ലിന് അബ്ദുൽ റഊഫ് കൊണ്ടോട്ടിയുടെ നിയമനം കൂടുതൽ പ്രയോജനപ്പെടുമെന്ന് ഗ്ലോബൽ പ്രസിഡന്റ് അഡ്വ. ജോസ് എബ്രഹാം, ഗ്ലോബൽ വക്താവ് സുധീർ തിരുനിലത്ത് എന്നിവർ പറഞ്ഞു.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F