December 27, 2023
December 27, 2023
ദോഹ: ഗസ മുനമ്പിൽ നിന്ന് ചികിത്സയ്ക്കായി ഖത്തറിലെത്തിച്ച കുട്ടി മരണപ്പെട്ടതായി ഫലസ്തീൻ മാധ്യമങ്ങൾ റിപ്പോർട്ട് ചെയ്തു. ഖത്തറിൽ ചികിത്സയിലായിരുന്ന മൂന്ന് വയസ്സുകാരൻ ലുവായ് അബ്ദുൾറഹ്മാൻ ഇബ്രാഹിം മൂസയാണ് ഇന്നലെ (ചൊവ്വ) മരിച്ചത്. ദോഹയിലെ മെസൈമീർ സെമിത്തേരിയിൽ കുട്ടിയെ സംസ്കരിക്കുമെന്ന് പ്രാദേശിക സോഷ്യൽ മീഡിയ സ്ഥിരീകരിച്ചു.
ഗസയില് പരിക്കേറ്റ 1500 പേരെ ചികിത്സിക്കാനും ഗസയില് നിന്ന് അനാഥരായ 3000 പേരെ സ്പോണ്സര് ചെയ്യാനും ഖത്തർ അമീര് ഷെയ്ഖ് തമീം ബിന് ഹമദ് അല്താനി നിര്ദേശം നല്കിയിരുന്നു. ഈജിപ്തുമായി സഹകരിച്ച് പരിക്കേറ്റവരേയും അവരുടെ കുടുംബാംഗങ്ങളേയും ചികിത്സയ്ക്കായി ആശുപത്രികളില് എത്തിക്കുമെന്ന് ഖത്തർ പ്രഖ്യാപിച്ചിരുന്നു. ഗസയിലെ ഫലസ്തീന് ജനതയ്ക്ക് സഹായം നല്കുന്നതിന്റെ ഭാഗമായാണ് ഖത്തറിന്റെ നടപടി. അതേസമയം, ഗസയിൽ നിന്ന് ചികിത്സയ്ക്കായി ഖത്തറിലെത്തിയവരുടെ എണ്ണമോ അവർ ചികിത്സയിലുള്ള ആശുപത്രിയോ അധികൃതർ വെളിപ്പെടുത്തിയിട്ടില്ല.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F