March 18, 2024
March 18, 2024
ദോഹ: ഖത്തറിൽ വിശുദ്ധ റമദാനില്‍ ഈദുല്‍ ഫിത്വറിന് മുമ്പ് നൽകേണ്ട സകാത്ത് തുക കൃത്യ സമയത്ത് തന്നെ നൽകണമെന്ന് എന്‍ഡോവ്മെന്റ് (ഔഖാഫ്) ഇസ്ലാമികക്കാര്യ മന്ത്രാലയത്തിലെ സകാത്ത് കാര്യ വകുപ്പ് അറിയിച്ചു. 15 ഖത്തര്‍ റിയാലാണ് ഒരാള്‍ സകാത്ത് തുകയായി നല്‍കേണ്ടത്. വ്യക്തികള്‍ തങ്ങളുടെയും ആശ്രിതരുടെയും സകാത്ത് തുക പെരുന്നാൾ നമസ്കാരത്തിന് മുമ്പ് തന്നെ നല്‍കണമെന്ന് അധികൃതര്‍ അഭ്യര്‍ത്ഥിച്ചു. പ്രായഭേദമന്യേ എല്ലാവര്‍ക്കും ഫിത്വറൽ സകാത്ത് നിര്‍ബന്ധമാണ്.
സകാത്ത് നല്‍കാന്‍ ആഗ്രഹിക്കുന്നവര്‍ക്ക് രാജ്യത്തുടനീളമുള്ള 31 കളക്ഷന്‍ പോയിന്റുകള്‍ പ്രയോജനപ്പെടുത്താമെന്ന് ഇസ്ലാമിക മതകാര്യമന്ത്രാലയത്തിന് കീഴിലെ സകാത്ത് വിഭാഗം അറിയിച്ചു. രാജ്യത്ത് ഉടനീളമുള്ള സകാത്ത് കാര്യ വകുപ്പിന്റെ ഓഫീസുകള്‍ വഴിയോ വകുപ്പിന്റെ വെബ്‌സൈറ്റ് വഴിയോ സകാത്ത് നല്‍കാം.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
