August 21, 2023
August 21, 2023
ദോഹ :ദോഹയിൽ നിന്ന് മെബൈരീക്ക്, ബു നഖ്‌ല, അൽ സെയ്‌ലിയ, അൽ മീറാദ് ഭാഗങ്ങളിലേക്കുള്ള ഗതാഗതം സുഗമമാക്കുന്നതിനായി സൽവ റോഡിലെ മെബൈരീക് സാൽവ റോഡിൽ പുതിയ ഇന്റർചേഞ്ച് തുറന്നതായി പൊതുമരാമത്ത് അതോറിറ്റിയായ അഷ്‌ഗാൽ അറിയിച്ചു. ഹൈവേ പ്രോജക്ട്‌സ് ഡിപ്പാർട്ട്‌മെന്റാണ് പദ്ധതി പൂർത്തിയാക്കിയത്.
അൽ സൈലിയ ഇന്റർചേഞ്ചിനും മിസൈദ് ഇന്റർചേഞ്ചിനും ഇടയിലുള്ള പുതിയ ഇന്റർചേഞ്ച് ആണ് തുറന്നത്. 330 മീറ്റർ നീളമുള്ള രണ്ട് പ്രധാന മേൽ പാലങ്ങൾ ഉൾകൊള്ളുന്നതാണ് പുതിയ ഇന്റർചേഞ്ച്.ഇതിന് പുറമെ, നിരവധി എക്സിറ്റ് പോയിന്റുകൾ, ലൂപ്പ് ബ്രിഡ്ജുകൾ, പുതിയ ഇന്റർചേഞ്ചുമായി ബന്ധിപ്പിച്ചിട്ടുള്ള പ്രാദേശിക റോഡുകൾ, തുടങ്ങിയവയും പദ്ധതിയിൽ ഉൾപെടും.
3 കിലോമീറ്റർ കാൽനടയാത്രക്കാർക്കുള്ള പാതയും ,3 കിലോമീറ്റർ സൈക്ലിംഗ് പാതകളും നിർമ്മിച്ചിട്ടുണ്ട്. മെബൈരിക്കിൽ നിന്ന് അൽ സെയ്‌ലിയയിലേക്കുള്ള യാത്രാ സമയം 50ശതമാനം വരെ കുറയ്‌ക്കുന്നതിന് പുതിയ ജംഗ്ഷൻ സഹായകരമാകും.
ന്യൂസ്‌റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/BrKVB5Ii85n26onvJMSO7R
