August 08, 2023
August 08, 2023
ന്യൂസ്റൂം ബ്യുറോ
ദോഹ : അർബുദ രോഗ പരിചരണംകൂടുതൽ കാര്യക്ഷമമാക്കുന്നതിന്റെ ഭാഗമായി ഹമദ് മെഡിക്കൽ കോർപറേഷന് കീഴിൽ ഖത്തറിൽ അത്യാധുനിക സമഗ്ര കാൻസർ സെന്റർ സ്ഥാപിക്കാൻ പദ്ധതി.
ഹമദ് മെഡിക്കൽ കോർപ്പറേഷന്റെ നാഷണൽ സെന്റർ ഫോർ കാൻസർ കെയർ ആൻഡ് റിസർച്ചിന്റെ മെഡിക്കൽ ഡയറക്ടറും കോർപ്പറേറ്റ് കാൻസർ സർവീസ് ചെയർമാനുമായ ഡോ. മുഹമ്മദ് സലേം അൽ ഹസ്സൻ ആണ് 'ഗുണനിലവാരമുള്ള ചികിത്സയും തുടർ പരിചരണവും' എന്ന ആശയത്തിൽ ഖത്തർ കാൻസർ പ്ലാൻ 2023-2026 അവതരിപ്പിച്ചത്.കഴിഞ്ഞ ദശകത്തിൽ കാൻസർ പരിചരണത്തിൽ എല്ലാവർക്കും മികച്ച പരിചരണം ഉറപ്പാക്കുകയും ശ്രദ്ധേയമായ മുന്നേറ്റം നടത്തുകയും ചെയ്ത പശ്ചാത്തലത്തിൽ കുറേകൂടി ഉയർന്ന തലത്തിലുള്ള ആരോഗ്യപരിചരണം ലക്ഷ്യമാക്കിയാണ് പദ്ധതി നടപ്പാക്കുന്നത്.
പുതിയ അൾട്രാ സ്പെഷ്യലൈസ്ഡ് കോംപ്രിഹെൻസീവ് ക്യാൻസർ സെന്റർ ഖത്തറിൽ കാൻസർ ചികിത്സ ആഗ്രഹിക്കുന്ന പൗരന്മാർക്കും താമസക്കാർക്കും വിദേശത്തു നിന്നുള്ള രോഗികൾക്കും കാൻസർ മികച്ച പരിചരണം നൽകും. പ്രോട്ടോൺ ബീം തെറാപ്പി ഉൾപ്പെടെയുള്ള ഏറ്റവും പുതിയ കാൻസർ ചികിത്സാ സാങ്കേതികവിദ്യകളും ഇവിടെ ലഭ്യമായിരിക്കും.ഇതോടൊപ്പം രോഗികൾക്കും കൂട്ടിരിപ്പുകാർക്കും രോഗികളുടെ കുടുംബാംഗങ്ങൾക്കും പുതിയ സമഗ്ര കാൻസർ സെന്റർ വിവിധ സൗകര്യങ്ങൾ പ്രദാനം ചെയ്യും.
ന്യൂസ്റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/DoTp5mITouhJcwHKcDKLsm