August 14, 2023
August 14, 2023
ന്യൂസ്റൂം ബ്യൂറോ
ദോഹ: ഇൻഡസ്ട്രിയൽ ഏരിയയിലെ സ്ട്രീറ്റ് 33നെയും അൽ കസറത്ത് സ്ട്രീറ്റിനെയും ബന്ധിപ്പിക്കുന്ന ഇന്റർചേഞ്ച് തുറന്നതായി അഷ്ഗാൽ അറിയിച്ചു. ഹൈവേ പ്രോജക്ട്സ് ഡിപ്പാർട്ട്മെന്റ് നടപ്പിലാക്കുന്ന സ്ട്രീറ്റ് 33 അപ്ഗ്രേഡ് പദ്ധതിയുടെ ഭാഗമായാണ് പുതിയ ഇന്റർചേഞ്ച് നിർമിച്ചത്.
പഴയ റൗണ്ട് എബൗട്ടിനെ രണ്ട് ലെവൽ ഇന്റർചേഞ്ചായി മാറ്റുകയും, സിഗ്നലുകൾ ഉൾപ്പെടെ ഗതാഗത നിയന്ത്രണത്തിന് 215.70 മീറ്റർ പാലം നിർമ്മിക്കുകയും ചെയ്തിട്ടുണ്ട്. ദോഹയിൽ നിന്ന് അൽ കസറത്ത് സ്ട്രീറ്റിലേക്കും തിരിച്ചും യാത്ര ചെയ്യുന്നവർക്ക് ഗതാഗതം സുഗമമാക്കുന്നതാണ് പുതിയ ഇന്റർചേഞ്ച്.
അറ്റകുറ്റപണികൾ പൂർത്തിയാക്കുന്നതിനായി വെസ്റ്റ് ഇൻഡസ്ട്രിയൽ സ്ട്രീറ്റിനെയും സ്ട്രീറ്റ് 33 നെയും ബന്ധിപ്പിക്കുന്ന പഴയ റൗണ്ട്എബൗട്ട് രണ്ട് മാസത്തേക്ക് താൽക്കാലികമായി അടച്ചിടുമെന്നും അധികൃതർ വ്യക്തമാക്കി. വെസ്റ്റ് ഇൻഡസ്ട്രിയൽ റോഡിൽ നിന്ന് വരുന്ന വാഹനങ്ങൾ എനർജി സ്ട്രീറ്റ് റൗണ്ട് എബൗട്ടിലേക്കോ, അൽ കസറത്ത്/സ്ട്രീറ്റ് 33 ജംഗ്ഷനിൽ പുതുതായി തുറന്ന ഇന്റർചേഞ്ചിലേക്കോ തിരിച്ചുവിടുന്നതായിരിക്കും.
ന്യൂസ്റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/DoTp5mITouhJcwHKcDKLsm