August 17, 2023
August 17, 2023
ഖദീജ അബ്രാർ
ദോഹ/ ന്യൂഡൽഹി :ദില്ലിയിൽ നിന്നും ദോഹയിലേക്കുള്ള വിമാനയാത്രയ്ക്കിടെ ഖത്തർ എയർവെയ്സിലെ മുതിർന്ന പൈലറ്റ് മരിച്ചു.ബുധനാഴ്ച രാവിലെ ഖത്തർ എയർവേയ്സിന്റെ ക്യുആർ 579 വിമാനത്തിൽ ഡൽഹിയിൽ നിന്ന് ദോഹയിലേക്ക് യാത്ര ചെയ്യുകയായിരുന്നു അദ്ദേഹം. യാത്രക്കിടയിൽ ദേഹാസ്വാസ്ഥ്യം അനുഭവപ്പെട്ടതിനെ തുടർന്ന് മെഡിക്കൽ എമർജൻസിയായി വിമാനം ദുബായിലേക്ക് തിരിച്ചുവിട്ടെങ്കിലും ജീവൻ രക്ഷിക്കാനായില്ല.സ്പൈസ് ജെറ്റ് വൃത്തങ്ങളെ ഉദ്ധരിച്ച് ഇന്ത്യൻ മാധ്യമങ്ങളാണ് ഇക്കാര്യം റിപ്പോർട്ട് ചെയ്തത്.
ദീർഘകാലം സ്പൈസ്ജെറ്റിൽ പൈലറ്റായിരുന്ന ഇദ്ദേഹമായിരുന്നു 2003-ൽ സ്പൈസ്ജെറ്റിന്റെ ദോഹയിലേക്കുള്ള ഉദ്ഘാടന പറക്കലിൽ വിമാനം പറത്തിയത്.അലയൻസ് എയറിലും, 17 വർഷം സ്പൈസ് ജെറ്റിലും അദ്ദേഹം ജോലി ചെയ്തിരുന്നു. 2005-ൽ സ്പൈസ് ജെറ്റിന്റെ ആദ്യ വിമാനമായ ഡൽഹി-അഹമ്മദാബാദ് വിമാനവും അദ്ദേഹം ഓടിച്ചിരുന്നു. 2022ലാണ് ഖത്തർ എയർവേയ്സിൽ ചേർന്നത്.
ന്യൂസ്റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/BrKVB5Ii85n26onvJMSO7R