February 14, 2024
February 14, 2024
അബുദാബി: എഎഫ്സി ഏഷ്യന് കപ്പ് 2023 ജേതാക്കളായ ഖത്തറിനെ യുഎഇ അഭിനന്ദിച്ചു. യുഎഇ പ്രസിഡന്റ് ഷെയ്ഖ് മുഹമ്മദ് ബിന് സായിദ് അല് നഹ്യാന് ഖത്തര് അമീര് ഷെയ്ഖ് തമീം ബിന് ഹമദ് അല്താനിയെ അഭിനന്ദനം അറിയിച്ചു. ടൂര്ണമെന്റിന്റെ വിജയകരമായ സംഘാടനത്തേയും യുഎഇ പ്രസിഡന്റ് അഭിനന്ദിച്ചു. എക്സ് അക്കൗണ്ടിലൂടെയാണ് യുഎഇ പ്രസിഡന്റ് അഭിന്ദനങ്ങള് അറിയിച്ചത്. ഖത്തര് അമീറിനെ സഹോദരന് എന്ന് അഭിസംബോദന ചെയ്തായിരുന്നു പോസ്റ്റ്.
' ദോഹയില് നടന്ന എഎഫ്സി ഏഷ്യന് കപ്പില് ഖത്തറിന്റെ വിജയത്തിനും ടൂര്ണമെന്റിന്റെ വിജയകരമായ സംഘാടനത്തിനും എന്റെ സഹോദരനും ഖത്തറി ജനതയ്ക്കും ആത്മാര്ത്ഥമായ അഭിനന്ദനങ്ങള്. മികച്ച പ്രകടനത്തിന് ജോര്ദാനെയും അഭിനന്ദിക്കുന്നു' - യുഎഇ പ്രസിഡന്റ് എക്സില് കുറിച്ചു.
യുഎഇ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിന് റാഷിദ് അല് മക്തൂമൂം ടൂര്ണമെന്റിലെ ഖത്തറിന്റെ പ്രകടനത്തേയും സംഘാടനത്തേയും പ്രശംസിച്ചു. ഫൈനല് മത്സരത്തില് ജോര്ദാനെ 3-1ന് പരാജയപ്പെടുത്തിയാണ് ഖത്തര് 2023ലെ എഎഫ്സി ഏഷ്യന് കപ്പ് സ്വന്തമാക്കിയത്.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്റൂം വാട്സ്ആപ്പ് ചാനലില് ജോയിന് ചെയ്യുക - https://whatsapp.com/channel/0029Va9k1sH3rZZiZHLfLm0F