October 07, 2023
October 07, 2023
ദോഹ: ഇസ്രയേല്‍ ഗസ മുനമ്പിലെ യുദ്ധസമാനമായ സാഹചര്യത്തില്‍ ഖത്തര്‍ അഗാധമായ ഉത്കണ്ഠ രേഖപ്പെടുത്തി. സംഘര്‍ഷം അവസാനിപ്പിക്കാനും സമാധാനം പുനഃസ്ഥാപിക്കാനുള്ള നടപടികള്‍ സ്വീകരിക്കാനും എല്ലാ കക്ഷികളോടും ഖത്തര്‍ ആവശ്യപ്പെട്ടു. പരാമാവധി സംയമനം പാലിക്കണമെന്നും ഇരു കക്ഷികളോടും ഖത്തര്‍ ആവശ്യപ്പെട്ടു.
ഫലസ്തീന്‍ ജനതയുടെ അവകാശങ്ങള്‍ ലംഘിക്കപ്പെടുന്ന നിരവധി സാഹചര്യങ്ങള്‍ ഉണ്ടായി. ഇസ്രയേല്‍ പോലീസിന്റെ സംരക്ഷണത്തിലുള്ള അല്‍ അഖ്‌സ മസ്ജിദില്‍ ഇസ്രയേല്‍ നടത്തിയ ആവര്‍ത്തിച്ചുള്ള റെയിഡുകള്‍ അതിന്റെ തുടര്‍ച്ചയാണ്. ഫലസ്തീന്‍ ജനതയുടെ അവകാശ നിഷേധങ്ങള്‍ക്ക് ഏക ഉത്തരവാദി ഇസ്രയേല്‍ മാത്രമാണെന്നും ഖത്തര്‍ വിദേശകാര്യ മന്ത്രാലയം ആരോപിച്ചു. ഇസ്രയേലിന്റെ നിയമലംഘനങ്ങള്‍ അവസാനിപ്പിക്കാനും അന്താരാഷ്ട്ര നിയമസാധുതകളും ഫലസ്തീന്‍ ജനങ്ങളുടെ ചരിത്രപരമായ അവകാശങ്ങള്‍ സംരക്ഷിക്കാനും അന്താരാഷ്ട്ര സമൂഹം മുന്നിട്ടിറങ്ങണമെന്നും ഖത്തര്‍ വിദേശകാര്യ മന്ത്രാലയം വ്യക്തമാക്കി. ഫലസ്തീന്‍ ജനതയുടെ നിയമാനുസൃതമായ കാര്യങ്ങളിലെ ഖത്തറിന്റെ നിലപാടും വിദേശകാര്യ മന്ത്രാലയം വ്യക്തമാക്കി.
ന്യൂസ്റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/FSQLmJGMow51SCIIBEEcWV
