September 01, 2019
September 01, 2019
രാജ്യത്തിന്റെ മൊത്തം ഉല്പാദനത്തില് വന് കുതിപ്പ് ലക്ഷ്യമിട്ട് നിരവധി കമ്പനികളുമായി ഖത്തര് പെട്രോളിയം അടുത്തിടെ കരാറില് ഒപ്പുവച്ചിരുന്നു.
ദോഹ : ഖത്തറിന്റെ ദ്രവീകൃത പ്രകൃതി വാതക കയറ്റുമതിയില് 12 ശതമാനം വളര്ച്ച രേഖപ്പെടുത്തിയതായി റിപ്പോർട്ട്.ജൂലൈ മാസമാണ് രാജ്യം വിദേശ രാജ്യങ്ങളിലേക്കു കയറ്റുമതി ചെയ്യുന്ന ദ്രവീകൃത പ്രകൃതി വാതകത്തില് 6.9 മില്യന് ടണ് വര്ധനവ് രേഖപ്പെടുത്തിയത്.സി.എന്.ബി.സി അറേബ്യയാണു ഇത് സംബന്ധിച്ച കണക്കുകൾ പുറത്തുവിട്ടത്.
കഴിഞ്ഞ മാസം ആഗോളതലത്തിൽ മൊത്തം പ്രകൃതി വാതക കയറ്റുമതിയുടെ 23 ശതമാനമാണ് ഖത്തറില്നിന്നു കയറ്റിയയച്ചത്. ഒരു വര്ഷം 78 മില്യന് ടണിലേറെ പ്രകൃതി വാതകമാണ് ഖത്തര് ഉല്പാദിപ്പിക്കുന്നത്. 2024ഓടെ ഖത്തറിന്റെ പ്രകൃതി വാതക ഉല്പാദനം 42 ശതമാനം വര്ധിക്കുമെന്ന് സി.എന്.ബി.സി അറേബ്യ റിപ്പോര്ട്ട് ചെയ്യുന്നു.ഇതോടെ പ്രതിവര്ഷം രാജ്യം ഉല്പാദിപ്പിക്കുന്ന പ്രകൃതി വാതകം 110 മില്യന് ടണ് ആകും.