February 09, 2023
February 09, 2023
ന്യൂസ്‌റൂം ബ്യുറോ
ദോഹ : സ്വകാര്യമേഖലയിലെ തൊഴിലവസരങ്ങൾ സ്വദേശിവത്കരിക്കുന്നതിനുള്ള കരട് നിയമത്തിന് മന്ത്രിസഭ അംഗീകാരം നൽകി.ബുധനാഴ്ച പ്രധാന മന്ത്രി ഖാലിദ് ബിൻ ഖലീഫ ബിൻ അൽ താനിയുടെ അധ്യക്ഷതയിൽ ചേർന്ന മന്ത്രിസഭാ യോഗത്തിലാണ് അംഗീകാരം നൽകിയതെന്ന് ഖത്തർ ന്യൂസ് ഏജൻസി റിപ്പോർട്ട് ചെയ്തു.
സ്വകാര്യ മേഖലയിൽ ചില ജോലികൾ ഖത്തറികൾക്ക് വേണ്ടി മാത്രംപരിമിതപ്പെടുത്തുന്നതിനെ കുറിച്ചുള്ള നിർദേശങ്ങളാണ് കരട് നിയമത്തിലുള്ളത്. ഇതുവഴി സർക്കാർ ജോലികളിൽ ഖത്തറികളുടെ പ്രാതിനിധ്യം കുറക്കാൻ കഴിയുമെന്നാണ് വിലയിരുത്തൽ.
പുതിയ നിയമപ്രകാരം ഓരോ മേഖലയിലും നടപ്പിലാക്കേണ്ട സ്വദേശിവൽക്കരണത്തിന്റെ അളവ് നിശ്ചയിക്കും. ഇതുസംബന്ധമായി തൊഴിൽ മന്ത്രാലയം നൽകിയ നിർദേശങ്ങൾക്കാണ് ക്യാബിനറ്റ് അംഗീകാരം നൽകിയത്.
സ്വദേശിവൽക്കരണം നടപ്പിലാക്കുന്ന കമ്പനികൾക്ക് നൽകേണ്ട ആനുകൂല്യങ്ങളെക്കുറിച്ചും ഖത്തറി പൗരന്മാർക്ക് നൽകേണ്ട ആനുകൂല്യങ്ങളെക്കുറിച്ചും ക്യാബിനറ്റ് തീരുമാനമെടുത്തു.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/CZ8evyItpDFGmuyTIzjnaL എന്ന ലിങ്കിൽ ജോയിൻ ചെയ്യുക
