October 08, 2022
October 08, 2022
ന്യൂസ്റൂം ബ്യുറോ
ദോഹ : ഖത്തർ ലോകകപ്പിൽ മുൻ മന്ത്രിയും മുസ്ലിം ലീഗ് ദേശീയ ജനറൽ സെക്രട്ടറിയുമായ പി.കെ കുഞ്ഞാലിക്കുട്ടിക്ക് കളിക്കാനിറങ്ങുമോ എന്ന് എന്ന് ആരെങ്കിലും സംശയിച്ചാൽ കുറ്റം പറയാനാവില്ല.കാരണം ഖത്തർ സന്ദർശിക്കാനെത്തിയ കുഞ്ഞാലിക്കുട്ടിക്ക് കഴിഞ്ഞ ദിവസം ഒരു അപൂർവ സമ്മാനം ലഭിച്ചു.ഫുട്ബോളുമായി ബന്ധപ്പെട്ട ഈ സമ്മാനം നൽകിയതാവട്ടെ അദ്ദേഹത്തിന്റെ മകൻ ആഷിഖ് കൂടി പങ്കാളിയായ സീഷോർ സ്റ്റീൽസ് പാർട്ണർമാരായ സയീദ് സാലം അൽ മുഹന്നദി,സാഖർ സയീദ് അൽ മുഹന്നദി എന്നിവർ ചേർന്ന്.കുഞ്ഞാലിക്കുട്ടിയുടെ പേര് ആലേഖനം ചെയ്ത 51 ആം നമ്പർ ജേഴ്സിയാണ് ഇവർ മുൻ മന്ത്രിക്ക് സമ്മാനമായി നൽകിയത്.
ചില സമ്മാനങ്ങൾ ഹൃദ്യവും വിലമതിക്കാനാവാത്തതുമാണെന്ന് കുഞ്ഞാലിക്കുട്ടി പ്രതികരിച്ചു.ഫുട്ബോളിനെ ഏറെ ആരാധിക്കുന്ന ഒരാളെന്ന നിലയിൽ ആവേശഭരിതമാക്കുന്ന ഒന്നായിരുന്നു ഇതെന്നും കുഞ്ഞാലിക്കുട്ടി പറഞ്ഞു.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/Dg5TqG6OdNJIDasvwIm1qY എന്ന ലിങ്കിൽ ജോയിൻ ചെയ്യുക